Te mau parau apî no te hiero

Tapuraa repo no te hiero matamua i Connecticut

Ua haamata te paturaa no te hiero matamua a te Feia Mo‘a i te Mau Mahana Hopea Nei i Connecticut, te mau Hau Amui no Marite, i muri mai i te mau oro‘a no te tapuraa repo tei arata‘ihia e te peresideni Thomas S. Monson i Hartford i te mahana maa 17 no atete. E riro mai te hiero no Hartford Connecticut i te pitiraa o te hiero i New England (tei Boston, Massachussetts te tahi) e hoê o na hiero 170 ta te Feia Mo‘a e faa‘ohipa nei, e aore râ e patu nei e aore râ e opua nei ia patu na te ao atoa nei.

Te pitiraa o te hiero i Colorado

I te mahana maa 24 no atete, ua faatere Elder Ronald A. Rasband no te peresideniraa o te Hitu Ahuru i te mau oro‘a tapuraa repo no te pitiraa o te hiero i Colorado, te mau Hau Amui no Marite, oia hoʻi te hiero no Fort Collins Colorado. Tei Denver te tahi hiero, 59 maile (95 km) i te atea, i te pae apatoʻa no Fort Collins.

Hoho‘a na Nicolas Carrasco, ho-mai-hia e te Church News