Annak

Iburayyo ti Pammaneknekyo

Mabalinyo nga ibinglay ti sagut ti ebanghelio itoy a Paskua babaen ti pannangted iti maysa a gayyem wenno kaarruba iti maysa a kopia ti Libro ni Mormon a nakasurat ti pammaneknekyo iti uneg daytoy. Surotenyo dagitoy nga addang a mangisagana iti daytoy:

1. Iti maysa a papel, mangrukodka iti maysa a rektanggulo nga agarup 4½ x 6½ pulgada (11½ x 16½ cm) ket agpatulongka iti maysa a nataengan a mangkartib iti daytoy.

2. Nayonam iti ladawanmo mismo—maysa a drowing wenno litrato—iti ngato ti panid.

3. Isuratmo ti pammaneknekmo iti baba ti litratom.

4. Agpatulongka iti maysa a nataengan a mangiragpin iti papel iti akin-uneg nga akkub ti Libro ni Mormon.