Molaetsa wa Thuto ya Ketelo, Sedimonthole 2013

Mmishene wa Selegodimo wa ga Jeso Keresete: Morwa Yo o Tshotsweng a le Esi

Ka thapelo ithute tiriso e mme o senke go itse gore o ka abelana eng. Go tlhaloganya botshelo le mmishene wa Mmoloki go ka oketsa jang tumelo ya gago mo go Ene le go segofatsa ba o ba lebeletseng ka thuto ya ketelo? Go bona molaetsa yo o montsi, ya ko reliefsociety.lds.org.

Tumelo, Lelwapa, Thuso

Se ke bontlha jwa Melaetsa ya Ketelo e e mmalwa ee nang le dintlha tsa mmishene wa Mmoloki.

Mmoloki wa rona, Jeso Keresete, o bidiwa Morwa yo o Tshotsweng a le Esi ka gore ke Ene a le nosi mo lefatsheng yo o tshotsweng ka mmaagwe wa senama le Rraagwe wa bosakhutleng. O tsere boswa jwa maatla a selegodimo gotswa kwa Modimong, eleng Rraagwe. Gotsweng go mme wa Gagwe, Mary, o tsere boswa jwa selefatshe mme o ne a kgona go tshwarwa ke tlala, lenyora, go lapa, go utlwa botlhoko, le go lebagana le loso.¹

Ka gore Jeso Keresete ke Yo o Tsetsweng a le Esi wa ga Rara, O kgonne go baya botshelo jwa Gagwe mme a bo tsaya gape. Dikwalo tse di boitshepo di ruta gore “ka tefo ya ga Jeso Keresete,” re “bona tsogo ya baswi” (Jakobe 4:11). Re ithuta gape gore botlhe “ba ka tsoswa ka mmele wa sennela ruri go bona botshelo jwa bosa khutlheng” fa re dumela” (D&D 29:43).

Jaaka fa re tla go tlhaloganya thata ka botlalo gore go raya eng gore Jeso Ke ene Morwa yo o Tsetsweng a le Esi wa ga Rara, tumelo mo go Keresete e tlaa oketsega. Mogolwane D. Todd Christofferson wa Khwaramo ya Baaposetole ba ba Lesome le Bobedi o ne a re, Tumelo mogo Jeso Keresete ke tshedimosetso le netefatso ya gore (1) O eme ele Morwa yo o Tsetsweng a le Esi (mo se nameng) wa Modimo, (2) Tefo ya Gagwe ga e fele, le gore (3) Ka sebele o Tsogile baswing.”² Baporofite ba malatsi a bofelo ba pakile ba re: “[Jeso Keresete] e ne e le … Morwa yo o Esi mo senameng, Morekolodi wa lefatshe.³

Gotsweng Dikwalong tse di boitshepo

Johane 3:16; Dithuto le Dikgolagano 20:21–24; Moshe 5:6–9

Gotsweng mo Ditsong tsa Rona

Mo Kgolaganong e Ntsha re bala ka basadi, ba maina a bone a kwadilweng le ba a sa kwalwang, ba ba supileng tumelo mo go Jeso Keresete, ba ba ithutileng dithuto tsa Gagwe, e bile ba file bopaki jwa boruti jwa Gagwe, dikgakgamatso, le bogosi jwa Gagwe. Basadi ba ba nnile barutwana ba ba sekai mo go rona le bapaki ba botlhokwa mo tirong ya pholoso.

Sekai, Maratha o ne a fa bopaki jo bo nonofileng ka boselegodimo jwa Mmoloki Fa a ne a re, “Ke dumela gore ke wena Keresete, Morwa Modimo yo o tshwanetseng go tla mo lefatsheng” (Johane 11:27).

Bangwe ba basupi ba ntlha jwa bomodimo jwa Mmoloki e ne ele Mme wa Gagwe, Marea, le ntsalae Elisabetha. Morago ga moengele Gabariele a sena go etela Mary, o ne a etela Elisabetha. E rile fa Elisabetha a utlwa madume a ga Marea, “o ne a tlelwa ke Moya o o Boitshepo (Luke 1:41 mme a fa bopaki gore Marea o tlaa nna mmaagwe Morwa Modimo.

© 2013 by Intellectual Reserve, Inc. All rights reserved. E gatisitswe mo USA. Tetla ya Sekgoa: 6/13. Tetla ya Thanolo: 6/13. Thanodi ya bo Visiting Teaching Message, December 2013. Tswana. 10672 763

Dintlha

1. Bona Gospel Principles (2009), 52–53.

2. D. Todd Christofferson, “Building Faith in Christ,” Liahona, Sept. 2012, 13.

3. “The Living Christ: The Testimony of the Apostles,” Liahona, Apr. 2000, 2–3.

Ke ka dirang?

1. Ke eng go le botlhokwa mo go nna go tlhaloganya tiro ya ga Jeso Keresete?

2. Tumelo ya rona e ka oketsega jang fa re tshegetsa dikgolagano tsa rona?