Mga Higala sa tibuok Kalibutan
¡Hola, amigos!*
Kami si Mahonri ug Helaman gikan sa Mexico
I-impaki ang inyong mga bag! Atong himamaton ang mga higala sa tibuok kalibutan!
Si Mahonri ug Helaman managsoon nga nagpuyo sa baybayon sa Mexico. Ang ilang mga ginikanan mihatag nila og ngalan sunod sa duha ka bantugang mga tawo sa Basahon ni Mormon. Si Mahonri Moriancumer mao ang igsoong lalaki ni Jared. Nakakita siya sa tudlo sa Ginoo. Si Kapitan Helaman usa ka matarung nga lider. Nangulo siya sa duha ka libo nga batan-ong mga manggugubat.
Kini nga managsoon naglaum sa pagpasidungog sa mga ngalan nga gihatag kanila sa ilang mga ginikanan. Sila gusto nga mahisama ni Mahonri ug Helaman sa Basahon ni Mormon.
Ang among mga ginikanan na-sealed sa Guadalajara Mexico Temple niadtong 2003. Kini mao ang pinakaduol nga templo gikan sa among gipuy-an. Moabut og hapit unom ka oras sa pag-drive paingon didto. Ganahan mi nga mobisita sa templo ug nasayud nga moabut ang adlaw nga kami makasulod, sama sa among mga ginikanan karon.
Malingaw mi sa paggahin og panahon isip usa ka pamilya. Matag Sabado moadto mi sa baybayon duol sa among balay. Mangaon mi og pasayan—ang among paborito nga pagkaon—ug tacos ug tortas (usa ka matang sa sandwich). Manglakaw mi subay sa Malecón, o dalan nga nag-atubang sa dagat. Maghimo mi og sandcastles ug magdula sa dagat.
Gusto Ko nga Makita ang Templo
Ang Guadalajara Mexico Temple mao ang ika-11 sa 13 ka mga templo sa Mexico.
Andam na sa pag-adto!
Ang mga bag ni Mahonri ug Helaman gisudlan na sa ilang paborito nga mga butang. Asa niining mga butanga ang inyong isulod sa inyong bag?
Mga litrato pinaagi ni Juan Carlos Santoyo; paghulagway pinaagi ni Thomas Child