Notebook sa Komperensya sa Oktubre 2013

“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38).

Samtang kamo magribyu sa kinatibuk-ang komperensya sa Oktubre 2013, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.

Propetikanhon nga Saad: Pag-atubang sa mga Pagsulay

“Ang atong Langitnong Amahan, nga mihatag nato og daghang angayng ikalipay, nasayud usab nga kita makat-on ug molambo ug mas molig-on kon kita makasagubang ug makalahutay sa mga pagsulay nga atong masinati. Nasayud kita nga adunay panahon nga masinati nato ang hilabihang kasubo, nga kita magbangutan, ug masulayan kon asa kita kutob. Apan, kanang mga kalisdanan makausab nato alang sa mas maayo, makausab sa atong kinabuhi sa paagi nga gitudlo sa Langitnong Amahan nato, ug makapalahi nato kay sa unsa kita kaniadto—mas maayo kay sa kaniadto, mas masinabuton kay sa kaniadto, mas mosimpatiya kay sa kaniadto, ug may mas lig-ong pagpamatuod kay sa kaniadto.

“Kini ang angay natong katuyoan—dili lang ang pagpadayon ug paglahutay, apan ang pagkahimo usab nga mas putli sa espirituhanong paagi sa atong pagpakabuhi sa maayong panahon ug kasub-anan. Kon kini dili pa tungod sa mga hagit nga buntugon ug mga problema nga sulbaron, mao ra gihapon kita, gamay o walay pag-uswag sa atong tumong sa kinabuhing dayon.”

Presidente Thomas S. Monson, “Ikaw Dili Ko Kawangon, ni Biyaan Ko Ikaw,” Liahona, Nob. 2013, 87.

Mga Tubag alang Kaninyo

Matag komperensya, ang mga propeta ug mga apostoles mohatag og dinasig nga mga tubag sa pangutana sa mga miyembro sa Simbahan. Gamita ang inyong Nobyembre 2013 nga isyu o bisitaha ang conference.lds.org sa pagpangita og mga tubag niini nga mga pangutana:

Unsa nga mga doktrina ang atong nakat-unan diha sa mga Artikulo sa Hugot nga Pagtuo? Tan-awa sa L. Tom Perry, “Ang mga Doktrina ug mga Baruganan nga Anaa sa mga Artikulo sa Hugot nga Pagtuo.”
Sa unsang paagi kita mahimong moapil sa misyonaryo nga buhat kon kita mobati og kahadlok? Tan-awa sa M. Russell Ballard, “Ibutang ang Inyong Pagsalig diha sa Ginoo.”
Unsay gamitan sa ikapulo? Tan-awa sa David A. Bednar, “Ang mga Tamboanan sa Langit.”
Sa unsang paagi ang sala ug pagsukol makaapekto sa atong kabubut-on ug mosangpot sa pagkaulipon? Tan-awa sa Quentin L. Cook, “Mga Lamentaciones ni Jeremias: Pagbantay sa Pagkaulipon.”

Propetikanhong mga Pulong ngadto sa mga Babaye ug sa Priesthood

Si Elder Neil L. Andersen sa Korum sa Napulog Duha ka mga Apostoles nangutana: “Ngano nga ang mga ordinansa sa priesthood ipangalagad sa mga lalaki? …

“Sama ka tinuod nga kita nahibalo nga ang gugma sa Dios ‘managsama’ alang sa Iyang anak nga mga lalaki ug Iyang anak nga mga babaye, nahibalo usab kita nga wala Siya milalang og mga lalaki ug mga babaye nga parehas gyud kaayo. Nahibalo kita nga ang sekso usa ka importanting kinaiyahan sa atong mortal ug mahangturong pagkatawo ug katuyoan. Ang sagradong mga responsibilidad gihatag sa matag sekso.

“Nahibalo kita nga gikan sa sinugdanan ang Ginoo nag-establisar kon sa unsang paagi ipangalagad ang iyang priesthood.”

Diha sa endnote 12 niini nga pakigpulong, si Elder Andersen mi-refer ngadto sa ubang mga propeta kinsa mitubag niini nga pangutana. Si Presidente Gordon B. Hinckley (1910–2008) miingon, “Ang Ginoo dili ang tawo ang mitudlo nga ang kalalakin-an sa Iyang Simbahan kinahanglan nga maghupot sa priesthood.” Si Elder M. Russell Ballard sa Korum sa Napulog Duha ka mga Apostoles miingon, “Ang Ginoo wala magpadayag kon nganong Iyang gitukod ang Iyang Simbahan ingon sa Iyang gihimo.”

Gikan sa “Gahum sa Priesthood,” Liahona, Nob. 2013, 92.

Sulati ang Blanko

“Ang mga nagtuman sa mga pakigsaad mga nagtuman sa mga _________________ !” (Linda K. Burton, “Ang Gahum, Kalipay, ug Gugma sa Pagtuman sa Pakigsaad,” Liahona, Nob. 2013, 113).
“Daghan, sa walay kahibalo, gigiyahan sa Ginoo sa mga dapit diin ilang madungog ang _____________ ug moapil sa Iyang ___________________” (Gérald Caussé, “Kamo Karon Dili na mga Langyaw,” Liahona, Nob. 2013, 50).
“Ang pagkamatarung mas gamhanan kay sa ______________________” (Boyd K. Packer, “Ang Yawe sa Espirituhanong Panalipod,” Liahona, Nob. 2013, 27).
“Sa pag-usab sa timailhan sa pagkababaye ug pagkalalaki, nawala ang ilhanan, sa gasa sa _______________ ug _____________ nga makalalang og laing binuhat” (D. Todd Christofferson, “Ang Moral nga Impluwensya sa mga Babaye,” Liahona, Nob. 2013, 31).

Sa wala: gilitratohan ni Ashton G. Smith; Sa tuo, gikan sa ibabaw: gilitratohan ni August Miller; paghulagway sa litrato pinaagi ni Carlos Israel Gutiérrez Robles; gilitratohan ni Emily Leishman Beus