Mga kabataan

Mga Angot sang Gugma

Magpabulig sa isa ka hamtong sa paggunting sang 28 ka panid sang papel, nga ang kada isa may 1 ka pulgada (2.5 ka sentimetro) ang kalaparon kag 8 ka pulgada (20 ka sentimetro) ang kalabaon. Sa tagsa ka adlaw sini nga bulan, maghimo sang isa ka pag-alagad agud mapakita ang imo pagpalangga para sa isa ka tawo. Mahimo ka nga magbulig sa imo mga ginikanan sa pagpaninlo sa inyo balay ukon magsulat sing manami nga mensahe sa isa ka kaingod.

Isulat kon paano ikaw nag-alagad sa tagsa ka adlaw sa isa sang mga ginunting nga mga papel, kag dason tabira patipulon ang tagsa ka punta sang papel paagi sa tape ukon kula. Mahimo mo sugpunon ang imo ginporma nga mga tipulon paagi sa pagpasulod sang isa ka punta sang bag-o nga ginunting nga papel palapos sa tipulon sang nagligad nga adlaw antes mo ipapilit ukon kulahan ang mga punta sang bag-o nga panid sang papel. Bantayi ang imo mga angot sang gugma nga nagalaba! Mahimo mo man gani padayunon ang pagsugpon sa imo kadena sang pag-alagad bisan pa nga tapos na ang bulan sang Pebrero.