2014
Il-Missjoni Divina ta’ Ġesù Kristu: Ir-Ragħaj it-Tajjeb
Frar 2014

Messaġġ tal-Għalliema taż-Żjajjar, Frar 2014

Il-Missjoni Divina ta’ Ġesù Kristu: Ir-Ragħaj it-Tajjeb

Bl-għajnuna tat-talb studja dan il-materjal u fittex sabiex tkun taf x’ għandek taqsam ma’ ħutek. Kif jista’ l-għarfien tiegħek tal-ħajja u tal-missjoni tas-Salvatur jgħinek tkabbar il-fidi tiegħek fih u tbierek lil dawk li int responsabbli minnhom permezz tat-tagħlim taż-żjajjar? Għal aktar informazzjoni żur reliefsociety.lds.org.

Fidi, Familja, Għajnuna

Ġesù Kristu, ir-Ragħaj it-Tajjeb, għallem:

“Min hu dak fostkom li jkollu mitt nagħġa u jitlef waħda minnhom, u ma jħallix id-disgħa u disgħin l-oħra fid-deżert biex imur wara l-mitlufa sa ma jsibha? …

“Ngħidilkom, li … jkun hemm ferħ fis-smewwiet għal midneb wieħed li jindem” (Luqa 15:4, 7).

Hekk kif nibdew nifhmu li Ġesù Kristu huwa r-Ragħaj it-Tajjeb, tikber ix-xewqa tagħna li nimxu wara l-eżempju Tiegħu u naqdu lil dawk fil-bżonn. Ġesù qal: “Jiena r-ragħaj it-tajjeb, jiena nagħraf in-nagħaġ tiegħi, u n-nagħaġ tiegħi jagħrfu lili. … u għan-nagħaġ tiegħi nagħti ħajti” (Ġwanni 10:14–15). Minħabba l-Att tal-Fidwa ta’ Kristu, ħadd minna ma jista’ jkun daqshekk mitluf li ma jkunx jista’ jsib triqtu lura (ara Luqa 15).

Il-President Thomas S. Monson qal, “Hija r-responsabbiltà tagħna li nieħdu ħsieb il-merħla. … J’ Alla lkoll kemm aħna nieħdu l-opportunità li għandna u nservu.”1

Mill-Iskrittura

Salm 23; Isaija 40:11; Mosiah 26:21

Mill-Istorja Tagħna

Elizabeth Ann Whitney, li attendiet l-ewwel laqgħa tas-Soċjetà tal-Għajnuna, tkellment dwar il-konverżjoni tagħha fl-1830: “Hekk kif smajt l-Evanġelju kif għallmuh il-Presbiteri, jien kont naf li kien leħen ir-Ragħaj it-Tajjeb.”2 Elizabeth imxiet wara l-leħen tar-Ragħaj it-Tajjeb u tgħammdet u ġie kkonfermata.

Aħna wkoll nistgħu nisimgħu l-leħen tar-Ragħaj it-Tajjeb u naqsmu t-tagħlim tiegħu ma’ ħaddieħor. Il-President Monson qal, “Aħna jdejn il-Mulej hawn fid-dinja, b’ mandat li naqduh u nelevaw lil uliedu.”3

Hekk kif ir-ragħajja jmorru jfittxu nagħġa mitlufa, il-ġenituri jistgħu jmorru jfittxu lil dak it-tifel li qabad triq ħażina. Il-President James E. Faust (1920–2007), it-Tieni Kunsillier fl-Ewwel Presidenza, qal: “Lil dawk il-ġenituri b’ qalbhom maqsuma li kienu ġusti, dilġenti u jiddependu fuq it-talb biex jgħallmu lil ulied diżubbidjenti tagħhom, aħna ngħidulkom, ir-Ragħaj it-Tajjeb qed iħarishom. Alla jaf u jifhem in-niket kbir tagħkom. Teżisti t-tama.”4

© 2014 by Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/13. Approvazzjoni tat-traduzzjoni: 6/13. Traduzzjoni ta’ Visiting Teaching Message, February 2014. Maltese. 10862 159

Noti

  1. Thomas S. Monson, “Heavenly Homes, Forever Families,” Liahona, Ġunju 2006, 70.

  2. Elizabeth Ann Whitney, in Daughters in My Kingdom: The History and Work of Relief Society (2011), 128.

  3. Thomas S. Monson, “What Have I Done for Someone Today?” Liahona, Nov. 2009, 86.

  4. James E. Faust, “Dear Are the Sheep That Have Wandered,” Liahona, Mejju 2003, 68.

X’ Nista’ Nagħmel?

  1. L-għarfien li s-Salvatur huwa r-Ragħaj it-Tajjeb kif jista’ jġib il-paċi f’ ħajjitna?

  2. B’ liema mod nistgħu ngħinu lil dawk li huma “mitlufin” għax m’ għadhomx attivi fil-Knisja jew li m’humiex tat-twemmin tagħna?

  3. Kif nista’ jiena nissapportja lil dawk il-ġenituri li wliedhom qabdu triq li fiha ma baqgħux jgħixu l-evanġelju?