Manatu mo Afiafi Faaleaiga

O lenei lomiga o loo i ai tusiga ma gaoioiga e mafai ona faaaoga mo afiafi faaleaiga. O ni manatu nei e lua.

“Pe Faapefea ona Filifili ni Uo Lelei,” itulau 53: Tipi ese mai mekasini nai ata o alii ma tamaitai talavou ma fatuina se talaaga puupuu mo ata taitasi. Mo se faataitaiga, e mafai ona e uuina i luga se ata o se alii talavou ma faapea atu, “O Arona lenei. O ia e le o se tagata o le Ekalesia, ae e alu e le aunoa i faalapotopotoga faalelotu ma lona aiga. E fiafia o ia e taalo i taaloga ma faaaoga gagana mama.” Fatu se talaaga faapena mo ata taitasi. Fesili atu i lau fanau poo o fea o nei tagata o le a avea ma uo lelei. Faitau faatasi mai latou le Iakopo 2:23 ma talanoaina auala e mafai ai ona tatou avea ma uo ma le Tama Faalelagi.

”O Iesu Keriso o lo Tatou Faaola,” itulau e 74: Ua oo mai le Eseta! Atonu e te manao e fai se mea faapitoa i lenei vaitau e iloa ai faamanuiaga mai ia Iesu Keriso. O aso taitasi i le taimi o le ‘aiga o le afiafi, e mafai e tagata taitoatasi o le aiga ona auauai e faasoa mai ni faamanuiaga na ia mauaina i lena aso. E mafai ona outou manatua nei faamanuiaga e ala i le faaputuina o ni mapu i se fagu—e tasi le maa mo faamanuiaga taitasi. Atonu e te manao e faailoa atu lenei manatu i le taimi o le afiafi faaleaiga e ala i le faitauina o se mau e uiga i le soifuaga o Iesu Keriso; ona fai atu lea i lau fanau e tusi se ata o le mea o loo tupu i le mau. Usu le pese “O Loo Ou Taumafai e Avea e Pei o Iesu” (Tusipese a Tamaiti, 40) po o se isi pese e uiga i le Faaola.

I Lau Gagana

O loo maua le Liahona ma isi tusi a le Ekalesia i le tele o gagana i le languages.lds.org.

Ina ia fesootai ma le Liahona i le Facebook ma maua savali musuia, asiasi i le facebook.com/liahona.magzine