O Se Tali i Lana Tatalo
E alala le tusitala i Gauteng, Aferika i Saute.
I se tasi po na asiasi mai ai se uo o se isi lotu ia te au. E masani lava ona ou suesue i a’u tusitusiga paia na o au, ma sa ou aveina i fafo e suesue ai i lena po. Sa uunaia au e valaaulia o ia e auai i lau suesuega o tusitusiga paia, ae sa ou fefe ma amata loa ona ou suesue na o au. Sa ou iloa ou te lei amanaiaina se uunaiga a le Agaga. Ina ua mavae ni nai minute sa ou fesili atu ma le faaeteete lava, “E te manao ta te suesue faatasi i tusitusiga paia?” E aunoa ma le toe faatali na tali mai la’u uo, “Ioe.”
Ona ma faitau lea mai le Tusi a Mamona. Sa ia fai mai ni fesili ia te au, ma na ou lagonaina le Agaga o taialaina au ao ou tali atu. Na ou tuuina atu la’u molimau i le moni o le Tusi a Mamona. Ina ua uma ona ou faia lenei mea, sa fai mai o ia, “Sa ou tagi ma le fefe i le aso atoa. Faatoa uma ona ou tatalo i le Atua mo se fesoasoani ae e fesili mai loa ia te au ta te faitau faatasi i tusitusiga paia. Ua matuai sili atu nei lau faalogona. Faafetai lava.”
Na faaaogaina e le Alii au e fai ma meafaigaluega e tali ai se tatalo ma auauna atu i se tasi o Ana fanau o loo manaomia le fesoasoani. Ou te iloa o uunaiga o ni faatonuga paia ia mai se Tama poto, ma mamalu. Pe a tatou tuu ese lo tatou fefefe, ua tatou faatagaina o Ia e faaali mai Lona mana e ala i lo tatou usiusitai.