“O le mea ua fai atu ai A’u o le Alii, ua ‘Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38).
A o e suesueina le konafesi aoao ia Oketopa 2013, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.
Upu Faaperofeta e uiga i Faaipoipoga
“O le faaipoipoga i le va o se alii ma se tamaitai o le vaega autu lea o le aoaoga faavae a le Alii ma e taua i le fuafuaga e faavavau a le Atua. O le faaipoipoga i le va o se alii ma se tamaitai o le mamanu lea a le Atua mo le atoatoaga o le olaga i le lalolagi ma i le lagi. O le mamanu a le Atua mo le faaipoipoga e le mafai ona tafili saunoa i ai, malamalama sese i ai, pe faaseseina [tagai Mataio 19:4–6]. E le mafai pe afai e te manao i le fiafia moni. O le mamanu a le Atua mo le faaipoipoga e puipuia ai le mana paia o le foafoaga ma le olioli o le alofa faamamai moni faaleulugalii. Ua tatou iloa o Atamu ma Eva sa faaipoipoina e le Atua a o le’i oo i laua i le olioli o le tuufatasia o se tane ma se ava.”
Elder Russell M. Nelson o le Korama a Aposetolo e Toasefululua, “O Filifiliga mo le Faavavau,” Liahona, Nov. 2013, 108.