Tumau i le Mataala
Ata na tusia mai Stockphoto/Thinkstock
E tele ni ou faanoanoaga e uiga i le fa tausaga ua mavae o lo’u olaga. Sa ou ola ae i le Ekalesia, ma le tele o tagata o le aiga ma uo na faia ni faataitaiga lelei mo au. E ui lava i nei faamanuiaga, sa le lava lou mataala, lea na mafua ai se faasologa o faafitauli i lo’u olaga.
Sa amata ina ua 13 ou tausaga, ma na avea faasalalauga ma vaisu. Sa ou matamata e le aunoa i le TV ma na amio e pei o le a ou oti e aunoa ma taaloga vitio. O lau vaisu o faasalalauga na taitai atu ai i se isi faafitauli: ou te lei maua ni uo lelei aua sa le lava au taumafaiga e faauo atu i tamaiti o la’u korama. I se taumafaiga e saili ni uo, sa ou sue i nofoaga sese ma avea ma se tasi o se vaega e talatalanoa i le initoneti. I lenei vaega o nisi o tagata e faasalalauina ponokalafi. Ona o le vaivai na oo mai ona o isi o’u faafitauli, sa faigofie ona maileia au i ponokalafi.
Sa ou taumafai e faasaoina lau amio e ala i le faia o alofaga: e leo faatiga ai se tasi; e le matua sese tele naua. Sa ou inoino e matamata i ponokalafi mai le taimi muamua sa ou vaai i ai, ae na ou mau i le mailei. Sa ou manao e avea ma se tagata lelei o le Ekalesia, ae sa ou faia ni faasologa o mea sese, ma sa le faasa’oina i latou i le ala sa’o lea mo se taimi umi.
Sa manaomia le tasi ma le afa tausaga mo au e vaai ai lo’u epikopo. Sa ia fesoasoani mai ia te au e manumalo i le manao e matamata i ponokarafi. I le aluga o taimi sa amata foi ona faia ni au uo ma tagata i la’u uarota, siteki, ma le vasega seminare. Ua 17 nei ou tausaga, ma e le’i leva ona mafai ona ou lagonaina le saoloto. Sa na o nai masina talu ai na ou faatoilaloina ai la’u vaisu i faasalalauga, tatalo ma le faamaoni i aso taitasi, ma faitau soo i tusitusiga paia.
Aua nei avea soo se tasi o nei faafitauli e mauaa i lou loto. Ou te molimau atu e faamagaloina e le Alii i latou o e ua agasala. Ae o le a e maua se olaga o le faaitiitia o le tiga pe afai e te le salamo e pei ona ou faia. Ou te aioi atu ia te oe e faasaoina oe lava mai le tele o le tiga e mafaia e ala i le aoaoina o taunuuga o le agasala i se auala o le a e fefe ai ma aloese mai ai. Ou te fai atu lenei mea ona o le agasala e fasiotia le agaga, ma afai e te agasala, o le a e lagonaina le tiga. E ita tele le tiapolo i ai tatou, e saili ia tatou faanoanoa, ma e i ai lona mana e faatosinaina i tatou pe afai tatou te faatagaina o ia. Ae ou te molimau atu e mafai ona tatou maua le alofa tunoa, alofa mama, agalelei, ma le saogalemu i le Togiola a Iesu Keriso.