E i ai sau uo e talitonu o loo i ai se faamalamalamaga faasaienitisi mo mea uma—lagona faaleagaga, tali i tatalo, vavega, ma isi mea faapena. O le a se mea e mafai ona ou ta’u atu i lenei uo?

Ata na tusia e Lloyd Eldredge; AUILIILIINA E Istock/ithinkstock

I se tasi itu, e sa’o lau uo—o mea uma lava atonu ua i ai ni faamatalaga e mafai ona tuuina atu i ni faaupuga faasaienitisi (e ui lava tatou te leo mauaina uma nei). O le gafatia o le saienisi e faamatalaina se mea e le afaina ai mea tau lotu. E tusa lava pe e te taliaina na faamalamalamaga faasaienitisi o se aafiaga faaleagaga po o se vavega, o le saienisi e na o na faamatalaina lava le mea na tupu; o le saienisi e leai sana faamatalaga e uiga i lona autu moni, lona uiga, po o le faamoemoega. O le matafaioi lena a le lotu. E silafia mea uma e lo Tatou Tama oi le Lagi ma faaali mai ia i tatou mea tatou te manaomia ina ia mafai ai ona toe foi atu ia te Ia ma atiina ae le faatuatua, faamoemoe, alofa mama, ma isi uiga faaleatua uma. E pei lava ona le faaumatia e faamatalaga faalelotu o le ofoofogia o le natura le saienisi, o le faafeagai e moni foi—o faamatalaga faasaienitisi o aafiaga faalelotu e le faaleagaina ai mataupu faalelotu.