Ua titau-manihini-hia te mau taata peni hoho‘a i te tata‘uraa.

Te titau manihini nei te Fare Vairaa Aamu a te Ekalesia i te mau taata peni hoho‘a Feia Mo‘a ia peni i te mau hoho‘a peni apî no te 10raa o te tata‘uraa ano‘ihi na te ao nei. Ua faaitoitohia te feia peni hoho‘a ia faaohipa i to ratou mau tareni no te faatupu i te mau ano‘ihi o te faahoho‘a i te parau tumu no te faaiteiteraa, « A faite mai na Ia’u te mau Aamu no Iesu ». No teie tata‘uraa taa ê, e ti‘a ïa i te mau hoho‘a ia faatumuhia i ni‘a ana‘e i te mau aamu o te Faufaa Apî.

Te vai nei te mau haamaramaramaraa e te tapa‘oraa i‘oa i lds.org/artcomp, e farii te feia peni hoho‘a tei tapa‘o i to ratou i‘oa i te tahi atu â mau haamaramaramaraa. E fariihia te mau hoho‘a peni no te tata‘uraa mai te 3 no Novema 2014, e tae atu i te 27 no febuare 2015. E farii poupou hia te mau huru faanahoraa e faaiteiteraa atoa i te pae ta‘ere. E 18 matahiti aore râ hau atu o te feia tata‘u e ti‘a’i. E hi‘opo‘ahia te mau hoho‘a peni, e e faaiteitehia te mau hoho‘a tei ma‘itihia, i te Fare Vairaa Aamu a te Ekalesia i ni‘a i te Itenati e haamata i te ava‘e Atopa 2015.