Elder Larry S. Kacher

Pŭpŭ piti no te Hitu Ahuru

I muri a‘e e rave rahi mau faaurûraa i roto i to’na mau matahiti ei feia apî paari, ua haamata o Elder Larry S. Kacher i te ite i te hoê mana puai a‘e e arata‘i ra ia’na i roto i to’na oraraa. I te 19raa o to’na matahiti, ua arata‘i to’na faarooraa i te Varua ia’na i te evanelia a Iesu Mesia—te hoê tauiraa tei faatupu i te taa-ê-raa mau.

Ua fanauhia oia i te 12 no febuare 1952, te piti o te tamarii paari o na tamarii e pae tei fanauhia ia Albert e Elaine Kacher ; ua paari oia i Bloomington, Minnesota, HAM.

I muri a‘e i te haapiiraa tuarua ua tere atu oia i Europa no te faahee na ni‘a i te hiona, e hau atu i te ono ava‘e i muri iho ua ite oia i reira e ua ti‘a ia’na ia ho‘i i te fare. I to’na taeraa i te fare, ua ite oia e e ti‘a ia’na ia haere i te tahi atu vahi aita râ oia i ite i hea. Ua opua te hoê hoa no te tau tamariirii raa e haere i Utaha, e ua faaoti o Elder Kacher i te haere atu na muri ia’na. I Utaha, ua haere atu o Elder Kacher i te fare haapiiraa tuatoru no Brigham Young, ua haapii no ni‘a i te Ekalesia e ua bapetizohia.

Ua parau oia, « I to te mau misionare haapiiraa ia maua, ua ite au e e parau mau te reira ». « I to’u pureraa, ua ite au e e parau mau te Ekalesia ».

Ua faaoti oia i te tavini i te hoê misioni e ua piihia oia i te misioni no Tahiti Papeete i te matahiti 1973. I to’na ho‘iraa i te fare, ua ho‘i atu oia i te haapiiraa i BYU, i reira to’na farereiraa ia Pauline Miller. Ua faaipoipohia raua i roto i te Hiero no Manti Utaha i te 29 no atopa 1976 e e metua raua no na tamarii e ono, e mau metua ruau no na 11 mootua.

Ua noaa ia Elder Kacher te parau tu‘ite licence i roto i te haapiiraa o te feruriraa taata e te hoê parau parau tu‘ite maîtrise i roto i te faanahoraa no te huru ohipa—na parau tu‘ite toopiti i BYU. Ta’na ohipa o te haamaramaramaraa ïa i te mau taiete rahi i te mau Hau Amui no Marite e na te ara.

Hou to’na patururaahia i te 5 no eperera 2014 ei melo no te Pŭpŭ piti no te Hitu Ahuru, ua tavini na o Elder Kacher ei peresideni amaa, ei peresideni no te pŭpŭ peresibutero, episekopo, e ei tauturu i te peresideni tĭtĭ. Ua peresideni oia i te misioni no Herevetia Geneva mai te matahiti 2000 e tae atu i te matahiti 2003. Tau mau matahiti i muri a‘e i to’na ho‘iraa mai Herevetia mai, ua afa‘i ta’na ohipa ia’na i Abu Dhabi, Emirats Arabes Unis, i reira oia i te piiraahia ei Hitu Ahuru Area matamua no te mau Fenua Arabia e Ati Iuda.