E ti‘a i te haapiiraa i roto i te Ekalesia ia pee i te hi‘oraa o te Mesia

« Te tamata nei tatou i te pee i te taahiraa avae o te Faaora no te haapiiraa », te parau ïa a te peresideni rahi apî no te Haapiiraa Sabati, o Tad R. Callister, i muri a‘e i te amuiraa.

Oia hoi te aniraa i te mau uiraa faaurûhia o te tauturu i te taata ia faafariuhia. Te fâ, o te « tauturu ïa ia ratou ia maramarama e ia ite i te Varua o te evanelia i roto i to ratou oraraa ».

Ua parau oia e ua faahiahia oia i te A Haere mai, A Pee mai Ia’u nei, te buka haapiiraa i ni‘a i te itenati na te feia apî o te faaite mai hoi i te mau a‘oraa no roto mai i te amuiraa rahi tei hope iho nei e te mau faanahoraa hoho‘a tei faanahohia mai e te Ekalesia. Ua parau oia e ua mono te tau‘araa parau i te mau a‘oraa e « te vai nei te hoê tauiraa mau mai te haapiiraa noa i te hoê haapiiraa e te tamataraa i te faaau i te reira i te mau hinaaro o te mau piahi i roto i te piha haapiiraa ».

Ua parau atoa mai oia e e tauturu te A Haere mai, A Pee mai Ia’u nei i te faahaere mai i te faafariuraa eiaha ra i te horo‘a-noa-raa i te haamaramaramaraa. I to’u feruriraa e faati‘a mai tatou i te hoê u‘i feia apî o te riro ei mau orometua maitai roa‘e i roto i te ao nei, ei mau metua maitai roa‘e i te ao nei, no te mea te noaa nei ia ratou i teie nei teie iteraa i to ratou apîraa ma te tia‘i ore ia riro mai ratou ei taata paari… no te ite i te huru manuia o ta te haapiiraa e te maramarama e faatupu ».

Ua parau te taea‘e Callister e o Iesu Mesia te Orometua Haapii Tumu e e ti‘a i ta tatou haapiira ia afa‘i te taata i te Mesia ra. No te haapuai i te titauraa ia haapii maramarama maitai e papû maitai i te haapiiraa tumu, ua parau oia ‘te mau taime atoa e tamata tatou i te pee i te Faaora tei ni‘a ïa tatou i te repo maitai ».