Elder Lynn G. Robbins

Peresideniraa no te Hitu Ahuru

Mai to’na piiraahia ei Hui Mana Faatere i te ava‘e Eperera 1997, ua oaoa o Elder Lynn G. Robbins i te « haamaitairaa maitai no te matauraa i te feia mo‘a na te ao taatoa nei ».

Ua parau oia e « E ite outou i te hoê natiraa vitiviti e te mau taata i te mau vahi atoa ta oe e haere ».

Te ti‘aturi nei o Elder Robbins ia tamau i te farerei i te feia mo‘a i te mau mahana hopea nei na te ao atoa a tavini ai oia ei melo no te peresideniraa no te Hitu Ahuru.

Ua fanauhia o Lynn Grant Robbins i te 27 no Atopa 1952 i Payson, Utaha, e to’na na metua to Joshua Grant e Evelyn R. Robbins. Ua paari oia i Springville, Utaha, i reira oia i farerei ai ia Jan Nielson, ta’na hoi i matau mai te tamariirii raa. Ua faaipoipohia raua i te 27 no Tiunu 1974 i roto i te Hiero no Manti Utah e e metua raua no na tamarii e hitu ; e 15 mootua ta raua.

Ua farii o Elder Robbins i te parau tu‘ite licence [parau tu‘ite e maha matahiti] no te reo paniora e te haapiiraa politita a te fare haapiiraa tuatoru no Utah State e te hoê parau tu‘ite MBA [e piti â matahiti] i te faatereraa ohipa na te ara na te American Graduate School of International Management i Glendale, Arizona, HAM. I riro na oia ei fatu e te mono peresideni paari no Franklin Quest.

Te tavini ra Elder Robbins ei peresideni no te Misioni no Uruguay Montevideo a farii ai oia i to’na piiraa i roto i te Pŭpŭ Piti o te Hitu Ahuru. E toru matahiti i muri mai ua riro oia ei melo no te Pŭpŭ Matamua no te Hitu Ahuru. I peresideni na oia i te Area no Amerika Apatoa Tufaa Apatoa, te Area no Amerika Ropu, e te Area Amerika Apatoerau Too a o te râ. Ua tavini atoa oia i te Area no Amerika Apatoerau Ropu.

Te hoê haamaitairaa rahi no teie taviniraa, o te ho‘iraa ïa i Ra-Parata i reira hoi oia i tavini ai ei misionare rave tamau. I Ra-Parata ei orometua apî, ua tavini oia i Jujuy, te hoê area e hoê ana‘e amaa. I to’na ho‘iraa’tu i taua vahi ra e rave rahi mau matahiti i muri iho, ua ite oia i te hoê tĭtĭ a te Ekalesia e e hoê tatini paroita.

Ua parau oia « E ite outou i te reira na te ao taatoa nei ». « E mahana teie no te mau temeio ».