E faatupu mai te hoho‘a teata api i te rave‘a ia Farerei i te mau Momoni

Ua feruri anei outou i te tahi mau taime ia vai mai te hoê rave‘a ohie no te faaite ia vetahi ê e mau taata noa te Feia Mo‘a i te mau Mahana Hopea nei o tei ite i te tumu e te aratairaa a faatumu ai ratou i to ratou oraraa i ni‘a ia Iesu Mesia ? E tauturu ïa te hoê hoho‘a teata apî tei faatata i te faaiteitehia e te Ekalesia ia outou ia na reira.

Farerei i te mau Momoni e haamata ïa ma te hoê hi‘oraa arearea e nahea te mau melo o te Ekalesia e hi‘o-hape-pinepine-hia nei e te tahi atu mau taata. I muri iho e faaitehia mai e ono utuafare, o te faaite mai i to ratou iho mau aamu e o te faaite mai e nahea to te evanelia tautururaa ia ratou i roto i to ratou oraraa. Tei roto i teie hoho‘a:

Te Episekopo. Te haa nei o Jermaine Sullivan e ta’na vahine faaipoipo, o Kembe, no Atlanta, Georgia, HAM, no te faatupu i te hoêraa i roto i te hoê amuiraa taata huru rau a atuatu ai raua i ta raua na tamaroa apî e toru.

Te Taata Haapiipii. Te haamo‘a nei o Ken Niumatalolo, te orometua faatere no te pŭpŭ faahoro popo no te Fare Haapiiraa Nuu Moana a te te mau Hau Amui no Marite in Annapolis, Maryland, HAM, e ta’na vahine faaipoipo, o Barbara, ma te tururaa a ta raua mau tamarii e te mau orometua haapii, i te mahana sabati.

Te taata tupita monamona. Te faahaamana‘o nei o Gail Halvorsen, e faehau tahito, 93 matahiti, no te Tama‘i Rahi II no te Ao nei e ta’na vahine faaipoipo, o Lorraine, 90 matahiti, no Amado Arizona, HAM, i te mau tamarii i te faufaa rahi no te taviniraa. I te tau a pairati ai oia, ua faatopa te taea‘e Halvorsen i te monamona mai ni‘a mai i te hoê manureva mai ta’na i rave i roto i te Faautaraa na te Ara i Berlin i muri noa‘e i te tama‘i.

Te vahine moto. Te faatitiaifaro nei o Carolina Marin, te hoê vahine moto tu‘e no San José, Costa Rica, e to’na taata faaineine e tane faaipoipo, o Milton, i to raua ti‘araa ei tane e vahine faaipoipo e e na metua no te mau tamarii apî e to raua here i te ohipa tata‘u.

Te taata hamani maitai i te taata. Te faatura nei o Bishnu e o Mangala Adhikari, no Kathmandu, Nepal, i te mau ti‘aturiraa e te faufaa ai‘a o to raua fenua ai‘a. E aivanaa te taea‘e Adhikari tei patu i te mau poromu, te mau fare haapiiraa e te mau faataheraa pape mâ tei haamaitai e rave rahi mau vahi nohoraa taata.

Te mama misionare. Te faaite mai nei o Craig e Dawn Armstrong e ta raua tamaiti o Anthony, no Salt Lake City, Utaha, HAM, e nahea to te Tuahine Amstrong riroraa ei metua vahine otahi aore e fare faaearaa a farerei ai oia i te mau misionare. Na te evanelia ta raua i faaite atu i tauturu ia’na ia taui i to’na oraraa. I muri iho, ua faaipoipo oia ia Craig, e ua hope roa te aamu a haere ai o Anthony i te hoê misioni rave tamau i Afirika Apatoa no te faaite i te evanelia tei haamaitai rahi hoi i to’na metua vahine.

E patahia te hoho‘a teata A Farerei i te mau Momoni i roto i te Fare Faahaamana‘oraa ia Ioseph Semita i Roto Miti, Utaha, HAM, e i te tahi atu mau vahi o te faataahia.