Devin G. Durrant

Tauturu piti i roto i te peresideniraa rahi no te Haapiiraa Sabati

I te taime i piihia’i o Devin G. Durrant ei tauturu piti i roto i te peresideniraa rahi no te Haapiiraa Sabati, e mea papu e ua haamana‘o e rave rahi mau melo no te Ekalesia i te mau mahana hanahana a oomo ai oia i te piriaro taoraraa popo i roto i te ete no te fare haapiiraa tuatoru no Brigham Young.

Oia mau, ua riro te mau tu‘aro ei tufaa faufaa rahi i roto i te oraraa o te peresideni Durrant. Ua ha‘uti atoa oia i te hoê matahiti i roto i te NBA no te tata‘u atu i te mau taata ha‘uti maitai roa‘e i te mau Hau Amui no Marite. Ua riro râ oia hau atu i te hoê noa ma‘ona aravihi: e misionare i Madrid, Paniora, e tane faaipoipo, ei metua tane, e papa ruau, e taata papa‘i buka, e taata faatere ohipa, ei melo itoito, e ei peresideni misioni no Texas Dallas e piti matahiti e te afa i teie nei.

Ua parau te peresideni Durrant, tei fanauhia i te 20 no atopa 1960, i Brigham City, Utaha, e ua riro te fare o to’na na‘ina‘iraa ei haamaitairaa rahi no te faaineineraa ia’na no taua mau ti‘araa atoa ra i roto i te oraraa. E mau orometua haapii aravihi to’na na metua, o George e Marilyn Durrant.

E mea papu roa, ua haapii mai raua na roto i ta raua mau parau—ua riro mau ra te mau haapiiraa faahiahia ta’u i ite i roto i te utuafare e mea na roto ïa i te hi‘oraa ia raua i te oraraa i to raua oraraa ».

Ua ite maitai te peresideni Durrant e ta’na vahine faaipoipo, o Julie Mink Durrant, i te faufaa rahi no te mau orometua haapii puai i te faaineineraa i te mau misionare no ananahi.

« E mea haapii-maitai-hia te mau [misionare no ananahi] e to ratou mau metua i roto i te utuafare e to ratou mau orometua haapii i te fare pureraa e i roto i te mau faanahoraa maitai no te haapiiraa evanelia na te feia apî e te feia apî paari ».

Ua parau atoa oia, e faati‘a te faanahoraa a te Haapiiraa Sabati i te mau orometua haapii e te mau piaha no te mau huru faito matahiti atoa, « ia haapii mai te Faaora te huru ».

Ua faaipoipohia te peresideni e te tuahine Durrant i roto i te Hiero no Roto Miti i te 23 no eperera 1983 e e metua raua no na tamarii e ono e e ono mootua ta raua.

Hou to’na piiraahia ei peresideni misioni, ua tavini na oia ei episekopo, tauturu i roto i te peresideniraa tĭtĭ, melo no te peredeniraa no te Haapiiraa Sabati tĭtĭ, e orometua haapii no te haapiiraa evanelia na te feia apî paari.

Ua noaa ia’na te hoê parau tu‘ite licence i roto i te mau Haapiiraa Marite i te fare haapiiraa tuatoru no Brigham Young e te hoê parau tu‘ite MBA i te fare haapiiraa tuatoru no Utaha. E fatu oia no te hoê taiete imiraa faufaa no te ohipa hooraa fenua.