Elder Jorg Klebingat

Pŭpŭ matamua no te Hitu Ahuru

Ua ora Elder Jorg Klebingat i te oraraa ma te tapea noa e tae atu i te hopea. Ua tiaturi oia i te haapa‘oraa, i te haapa‘oraa i te mau faaueraa e te peeraa i te mau faaurûraa a te Varua.

Fanauhia i te 19 no Ditema 1967 ia Klaus-Peter e Doris Elke Klebingat, ua paari o Elder Klebingat i Zweibrücken, Helemani, ma te ore e haapao i te evanelia. Ei taure‘are‘a, ua farerei oia i te hoê melo no te Ekalesia i te hoê ha‘utiraa upaupa e ua riro raua ei mau hoa.

Te haamana‘o nei oia e « I to’u haereraa e farerei i to’u hoa apî, ua faahiahia vau i to’na utuafare ». « Ua ite au i te Varua i roto i to’na utuafare e ua hinaaro vau i te haere i te pureraa ».

I taua pureraa matamua ra i te fare pureraa to’na faaroo raa i te parau no te Buka a Moromona. Ua horo‘a’tu to’na hoa ia’na te hoê buka e to’na iteraa papû e e parau mau te reira, e ua faaru‘e Elder Klebingat i te pureraa ma te faaoti i te imi no’na iho.

Ua parau Elder Klebingat e « Tei roto vau i te tahi vahi i roto i te 1 Nephi a farii ai au i to’u iteraa papû e e parau mau te buka ». « Ua riro te noaaraa te hoê iteraa papû no ni‘a i te peropheta Iosepha Semita ei taime faufaa rahi roa no’u. I ta’u misioni, ua ani au i to’u mau hoa e nehenehe anei ia’u ia faaite i taua tufaa ra o te aamu ».

Na mua i ta’na misioni rave tamau i te misioni no Colorado Denver, ua tavini o Elder Klebingat i roto i te nuu Helemani e 18 ava‘e te maoro. Ua taatihia oia ia Julia Poltorak i roto i te Hiero no Roto Miti i te 21 no titema 1992. E toru ta raua na tamarii.

Ua noaa ia Elder Klebingat te hoê parau tu‘ite no te mau haapiiraa reo Rusia i te fare haapiiraa tuatoru no Ricks e i muri iho te hoê parau tu‘ite i roto i te faanahoraa ohipa i te fare haapiiraa tuatoru no Brigham Young. Ua rave oia i te ohipa ei taata tauturu i te faatereraa o te mau ohipa na te taiete Price Waterhouse e Arthur Andersen e i roto i te mau ohipa e rave rahi na te Ekalesia.

Hou teie piiraa, ua tavini na o Elder Klebingat ei ti‘a no te feia apî paari no te tĭtĭ, ei peresideni no te mau peresibutero, ei peresideni no te Feia Apî Tane, melo apooraa teitei, peresideni amaa, e ei episekopo. E hope ta’na taviniraa ei peresideni no te Misioni no Ukraine Kiev i te ava‘e Tiunu 2014. Ua paturuhia oia ei melo no te Pŭpŭ Matamua no te Hitu Ahuru i te 5 no eperera 2014.