Ua matara faahou te pû fariiraa ratere no te hiero no te oire no Mexico

I te ava‘e i muri a‘e i te matara-faahou-raa, hau atu i te 30 000 manihini tei mata‘ita‘i i te Pû Fariiraa Ratere no te Hiero no te Oire no Mexico, tei faaapîhia e tei faarahihia e piti matahiti te maoro. E mea na roto i te reo Paniora te mau faaiteiteraa atoa e te vai atoa ra te mau hoho‘a teata tei taviri-taa-ê-hia no te feia no Mexico. Ua riro atoa te pû faaapîhia ei pû fariiraa matamua o te farii i te hoê vahi faaiteiteraa taatoa tei faataa-taa-ê-hia no te haapiiraa i te mau parau tumu no te evanelia i te mau tamarii.

Ua riro teie pû fariiraa ratere te toru o te mau pû rahi roa‘e, te rahiraa o teie mau pû tei piha‘iho ïa i te hoê hiero aore râ te hoê pû tuiroo a te Ekalesia. Te patuhia ra te hoê pû fariiraa ratere i piha‘iho i te hiero e patuhia ra i Roma, Italia, e te vai nei teie mau pû i te fenua Peratane, Niu Zelani, Hawaii e i roto i na tufaa fenua e iva no te te mau Hau Amui no Marite. Teie mau pû, tei faanahohia no te fariiraa i te Feia Mo‘a itoito aore râ paruru e te mau taata atoa no te tahi atu mau faaroo, eita ïa e haamatau noa i te mau taata i roto i te Ekalesia, e tauturu atoa ra te reira ia ratou ia maramarama i te mau ti‘aturiraa o te Ekalesia e e faatupu atoa i te hinaaro i te haapii atu â no ni‘a i te Faaora e te Faaho‘iraahia mai te evanelia. E horo‘a atoa mai teie mau pû i te mau parau poro‘i no te haapuai i te mau utuafare.

Ua riro o Mexico ei tutau i roto i te Ekalesia, e ua hau atu i te 1,2 milioni melo, e hau atu i te 200 tĭtĭ, e 12 hiero.