Te faahaere nei te rave‘a aravihi e te mau rave‘a haaparareraa sotiare i te amuiraa rahi na te ao taatoa nei.

Taa ê noa’tu i te rahiraa taata tei hau atu i te 100 000 o tei tae atu i na tufaa e pae no te 184raa o te Amuiraa Rahi Matahiti i te Pû Amuiraa i Roto Miti, Utaha, HAM, e rave rahu milioni tei mata‘ita‘i aore râ tei faaroo i te mau tufaa amuiraa i roto i na 95 reo na roto i te mau haapurororaa na roto i te afata teata, te radio, te peu utari e te Itenati.

Te vai nei e 21 000 parahiraa i roto i te Pû Amuiraa i Roto Miti, e ua rae‘ahia te nahoa taata no te amuiraa rahi na te ao nei e rave rahi milioni melo no te Ekalesia tei mata‘ita‘i mai. Hau atu i te 50 matahiti to te Ekalesia auvaharaa te amuiraa na roto i te mau reo e rave rahi. Teie nei mahana, hau atu ia i te 200 fenua na te ao nei e nehenehe e mata‘ita‘i maori te rave‘a aravihi.

Taa ê noa’tu i te haaparareraa i te amuiraa i roto i te mau fare pureraa, te faahaere atoa nei te Ekalesia i te amuiraa i ni‘a i te LDS.org, BYUtv, BYUtv International, the Mormon Channel, Roku, Facebook, e YouTube. Fatata i te 30 i ni‘a i te hanere o te feia mata‘ita‘i i te Amuiraa rahi no Atopa 2013 ia faaauhia i te amuiraa na mua’tu.

E rave rahi atoa o te mata‘ita‘i nei i te amuiraa rahi na roto i te mau rave‘a haaparareraa sotiare. E rave rahi mau ‘tweets’ tu‘atihia i te #ldsconf hashtag tei piahia i ni‘a i te Twitter i roto i na tufaa e pae no te amuiraa, e na te reira i faariro i te amuiraa rahi ei parau tumu tuatapapa-rahi-hia‘e i ni‘a i te Twitter i taua mau taime ra. Ei hi‘oraa, i te ava‘e Atopa 2013, 155 000 tweets no ni‘a i te amuiraa rahi tei piahia. (Te « tweet » e mana‘o ïa no te hoê taata e 140 reta parau aore râ iti mai.)

Na roto i ta’na mau rave‘a haaparareraa sotiare na roto i te ve‘a, te pia nei te Ekalesia i te mau poro‘i mai roto mai i te amuiraa na roto i te mau reo huru rau, e te faaitoito ra i te tahi atu mau taata ia faaite i taua mau poro‘i ra. I roto i te amuiraa rahi i te ava‘e Atopa 2013 ra, e rave rahi feia mata‘ita‘i tei hi‘o aore râ tei faaroo i te mau poro‘i a te amuiraa rahi i muri a‘e i to ratou iteraa i te hoê parau faaite tei piahia i ni‘a i te mau rave‘a haaparareraa sotiare. Ua faaitehia te mau piaraa na roto i te reo peretane, paniora e potiti.