Ang Priesthood

“Ang gahum sa priesthood makapanalangin natong tanan,” miingon si Elder Dallin H. Oaks sa Korum sa Napulog Duha ka mga Apostoles sa iyang pakigpulong, “Ang mga Yawe ug Awtoridad sa Priesthood.” “Ang mga yawe sa priesthood modumala sa kababayen-an ingon man sa kalalakin-an, ug ang mga ordinansa ug awtoridad sa priesthood may kalabutan sa kababayen-an ingon man sa kalalakin-an.” Tungod kay kitang tanan kinahanglan nga mas makasabut sa priesthood, giklaro ni Elder Oaks ang mahinungdanong mga baruganan sa iyang pakigpulong sa komperensya kabahin sa gahum, mga yawe, ug awtoridad sa priesthood. Ang mosunod nga mga pangutana makatabang kaninyo nga tun-an ang iyang mensahe.

Mga pangutana nga ikonsiderar:

Unsa ang mga yawe sa priesthood, ug ngano nga kini gikinahanglan?
Unsa man ang relasyon tali sa mga yawe sa priesthood ug sa awtoridad sa priesthood?
Ang mga panalangin sa priesthood mapugngan ba kon ikaw lalaki o babaye [gender]?

Unsay gipasabut niini alang kanako:

Unsa nga awtoridad ang gidelegar ngari kanako kon ako makadawat og mga buluhaton o mga calling gikan sa usa ka tawo nga naghupot sa mga yawe sa priesthood?
Unsa nga mga responsibilidad ang anaa kanako diha sa akong bag-o nga buluhaton o calling nga kinahanglan nakong tumanon?
Unsa man ang akong makat-unan mahitungod sa gugma sa Dios alang kanako gikan niini nga pakigpulong, ug unsaon nako kini sa pagpakigbahin sa usa ka tawo nga adunay mga pangutana?