Para sa Gagmayng mga Bata
Mga Higala alang ni Eli
Si Eli naningkamot nga mahimong buotan nga higala. Apan si Will dili makigdula niya.
“Kon kamo makigdula ni Eli, dili kamo makadula nako,” gisultihan ni Will sila si Jake ug Danny.
Gihangyo ni Eli si Will og tarung, apan si Will miingon, “Dili. Pahawa.”
Misulay si Eli pag-apil sa dihang nagdula og dakop-dakop ang ubang mga bata. Apan walay usa nga modakop ni Eli.
Usa ka adlaw si Eli nagdala og mga dulaan sa eskwelahan. Usa ka batang babaye nga ginganlan og Emma nagtan-aw niya nga nagdula.
“Gusto ka bang makigdula nako?” nangutana si Eli.
“Oo,” miingon si Emma. “Morag makalingaw na.”
Si Jake ug Danny mihangyo, “Makadula ba usab mi?”
“Oo,” miingon si Eli.
Nagmagul-anon si Will.
“Dali, Will,” miingon si Eli. “Mahimo usab nga modula ka.”
Pagpakigbahin og mga Dulaan
Pangitaa ang mga dulaan sa playground. Dayon ipha pila ka mga bata ang nagdula sa matag dulaan.