Mga kabataan

Sandwich nga Pangamuyo

Paano ninyo mahibaloan kon ano ang inyo ihambal kon magpangamuyo kamo?Mahimo kamo magsugod sang inyo pangamuyo sa pagsiling: “Mahal nga Amay nga Langitnon,” kag tapuson ang mga ini sa pagsiling, “Sa ngalan ni Jesucristo, amen.” Kon ano ang ihambal ninyo sa tunga-tunga pagusto kamo, pareho lang nga nagapili kamo kon ano ang ibutang ninyo sa sandwich.

Magdrowing sang larawan sang isa ka sandwich, nga nagapili sang madamo nga nagkalainlain nga mga butang nga luyag ninyo sa inyo sandwich. Sa tagsa ka karne ukon palaman sa tunga sang mga pinanid sang tinapay, isulat ang isa ka butang nga luyag ninyo ipangamuyo. Mahimo kamo magsiling “salamat” sa mga bugay, magsugilanon parte sa inyo mga ginapaligban, magpangayo sang mga bugay, ukon magpangamuyo parte sa mga pamangkutanon.

Mahimo ninyo guntingon ang inyo larawan sang sandwich. Ipakabit ini sa inyo kwarto agud mabuligan kamo nga dumdumon ang mga butang nga sarang ninyo ihambal sa inyo mga pangamuyo.