Lamharon

Maghanda antes Kamo Magpangamuyo

Si Pangulong Eyring nagapahanumdum sa aton nga ang pangamuyo “isa ka pagbaslanay sang sugilanon sa tunga sang Dios kag Iya kabataan.” Ang paghinguyang sang tion agud maghanda para sa aton mga pangamuyo makahimo nga posible sinang pagbaslanay sang sugilanon. Mahimo ninyo gamiton ang inyo journal sa paghinguyang sang pila ka minutos agud maghanda sa pagpangamuyo tagsa ka adlaw. Mahimo kamo maglista sang mga bugay nga luyag ninyo pasalamatan sa Amay nga Langitnon, mga tawo nga nagakinahanglan sang inyo mga pangamuyo, kag mga pamangkot nga kinahanglan ninyo nga masabat. Dayon agdaha ang Espritu paagi sa pagkanta sang isa ka himno ukon pagbasa sang pila ka mga bersikulo sang balaan nga kasulatan. Sa inyo pagpangamuyo, panilagi kon paano ang Balaan nga Espiritu nagagiya sang kon ano ang inyo ihambal, kag tandai ang inyo mga balatyagon kag mga huna-huna. (tan-awa sa D&C 8:2–3). Binagbinaga ang pagrekord sang inyo mga eksperiyensya sa inyo journal kag pagrepaso sang mga sabat nga inyo nabaton. Mahimo man ninyo gamiton ang mga hilikuton sa mga pahina 95–97 sangPreach My Gospel:A Guide to Missionary Service agud buligan kamo sa pagtulutimbang sang inyo mga pangamuyo kag pagtuon sa pagkilala sang Balaan nga Espiritu.