Annak

Sandwich ti Kararag

Kasano nga ammoyo no ania ti isaoyo no agkararagkayo? Mairugiyo dagiti kararagyo babaen ti panangisaoyo iti, Patpatgek a Nailangitan nga Ama,” ket igibus dagitoy babaen ti panagkuna iti, “Iti nagan ni Jesucristo, amen.” No ania ti isaoyo iti nagbaetan ket piliyo, kas iti panagpili no ania ti ikabil iti maysa a sandwich.

Mangidrowingka iti ladawan ti maysa a sandwich, a mangpili iti adu a nadumaduma a banag a kayatmo iti sandwichmo. Iti tunggal maysa nga iwa ti karne wenno topping iti babaet dagiti nailgat a tinapay, mangisuratka iti maysa a banag a kayatmo nga ikararagan. Mabalinmo nga isao ti “agyamanak kenka” kadagiti parabur, isaritam maipapan kadagiti pagdandanagam, agkiddawka kadagiti bendision, wenno ikararagam dagiti saludsod.

Mabalinmo a gettengen ti ladawam iti sandwich. Ibitinmo iti siledmo tapno makatulong kenka a manglagip kadagiti banag a mabalinmo nga isao kadagiti kararagmo.