Agtutubo

Agsaganaka sakbay nga Agkararagka

Ipalagip kadatayo ni Presidente Eyring a ti kararag “ket dua a wagas a komunikasion iti nagbaetan ti Dios ken dagiti annakna.” Ti kaadda iti oras nga agsagana para kadagiti kararagtayo ket makaaramid a posible iti dayta dua a wagas a komunikasion. Mabalinmo nga usaren ti journalmo a mangbubos iti sumagmamano a minuto iti panagsagana nga agkararag iti inaldaw. Mabalinmo ti agaramid iti listaan dagiti bendision a kayatmo a pagyamanan iti Nailangitan nga Ama, dagiti tattao nga agkasapulan kadagiti kararagmo, ken dagiti saludsod a mabalin a kasapulam a masungbatan. Kalpasanna awisem ti Espiritu babaen ti panangkanta iti maysa a himno wenno panagbasa iti sumagmamano a bersikulo ti nasantuan a kasuratan. Bayat ti panagkararagmo, dumgngegka iti no kasano nga iwanwannaka ti Espiritu Santo no ania ti nasken nga isaom, ken dumngegka kadagiti mariknam ken pampanunotem (kitaen iti DkK 8:2–3). Isuratmo dagiti padasmo iti journalmo ket ulitem nga adalen dagiti sungbat a maawatmo. Mabalinmo pay nga usaren dagiti aktibidad kadagiti panid 95–97 ti Preach My Gospel: A Guide to Missionary Service tapno makatulong kenka a mangamiris kadagiti kararagmo ken mangsursuro a mangilasin iti Espiritu Santo.