Toso tikoga na Tubu ena Valetabu
Ni ra sa tara oti ka vakatabui na valetabu kece era sa kacivaki oti, sa na 170 kina na noda valetabu e vakayagataki tiko e vuravura raraba,” e kaya o Peresitedi Thomas S. Monson ena koniferedi raraba ni Okotova 2014. “Baleta ni sa vakanamatataki tiko noda sasaga ena kena vakacavari na valetabu eso sa kacivaki oti, sa na sega kina ni tei kacivaki tale ena gauna oqo e dua na valetabu vou. Ia, ena veigauna mai muri, ni kunei na gagadre ka laurai na qele, sa na kacivaki tale eso na valetabu.”
Ni vakatabuya o Peresitedi Monson na Valetabu mai Ogden Utah ena Sepiteba 2014, sa kauta mai ki na 143 na iwiliwili ni valetabu ni Lotu e vuravura sa vakayagataki tiko.
Na Valetabu mai Fort Lauderdale Florida a vakatabui ena Me ni 2014 mai vei Peresitedi Dieter F. Uchtdorf, na iKarua ni Daunivakasala ena Mataveiliutaki Taumada. Na Valetabu mai Phoenix Arizona ena vakatabui ena 16 ni Noveba, 2014, ka lima kevaka e lailai na valetabu ena vakatabui se vakatabui tale ena 2015.
Na Valetabu mai Ogden Utah a vakatabui tale ena 21 ni Sepiteba, 2014.
iTaba mai vei Sarah Jane Weaver, iTukutuku ni Lotu