Vakarautaki tu me baleta na Veimatabose na iVurevure ni Veiqaravi Vakayalo

Ena gauna oqo sa rawa vei ira na veimatabose ni iteki kei na tabanalevu me ra curuma e dua na tabana ni mataveilawa vou ni Lotu ka vakatokai na iVurevure ni Veiqaravi Vakayalo, ka na rawa ni kunei ena ministering.lds.org, me vukei ira na tamata yadua kei na matavuvale ena nodra leqa vakayago kei na leqa vakayalo, okati kina na veika dredre kei na veika bibi. E rawa ni ra curuma o ira era vakailesilesi tu ena iteki kei na tabanalevu ena gauna oqo ena nodra akaude ni LDS.

Na ivurevure a dau rawa ga ni ra raica na bisopi kei na peresitedi ni iteki sa vakavoui ka vakarabailevutaki ena veidusidusi bibi me baleta na nodra vukei o ira e vakayacori vei ira na ivalavala veivakalolomataki, o ira era veivakatotogani ena veika eso, o ira na itubutubu sega ni vakawati era namaka tiko me sucu mai na luvedra, o ira era veivinakati tiko vakatagane se vakayalewa, kei ira era sotava tiko na dredre ena bula vakailavo se cakacaka.

Ena veidusimaki nei bisopi, e rawa ni ra vakayagataka na matabose ni tabanalevu na iVurevure ni Veiqaravi Vakayalo me ra veivosaki kina me baleta nodra vinaka na tamata yadua kei na matavuvale ena loma ni nodra tabanalevu.