Cov Me Nyuam

Ua Kom Koj tus Tsau Ci Ntsa Iab

Puag thaum ub nyob hauv Kilis teb chaws, muaj kev sib tw khiav es cov uas khiav tuav nkaus tej tus tsau uas cig. Pawg uas khiav kom tag thaum lawv tus tsau tseem cig yog pawg uas yeej. Thawj Tswj Hwm Uchtdorf hais tias kev ua neej yeej zoo li kev sib tw khiav ntawd. Tus tsau uas peb tuav nkaus yog Khetos txoj Kev Kaj. Thaum peb sim coj zoo li Yexus Khetos, peb ua kom peb tus tsau cig loj zuj zus.

Koj muaj peev xwm ua dab tsi kom coj zoo li Yexus thiab ua kom koj tus tsau cig. Xaiv los ntawm tej yam nram qab no:

• Luag nyav los yog hais nyob zoo rau ib tug uas kho siab

• Tseem npau taws rau ib tug neeg

• Tu koj lub cev kom zoo

• Thuam koj tus kwv los yog koj tus muam

• Mloog tus yaj saub lus

• Cia li tso tseg thaum koj ua yuam kev

• Pab lwm tus