Lamharon

Ang Isa ka Yuhum Sarang Maghimo sang Kinalain

Si Pangulong Uchtdorf nagmitlang sang duha ka mga lalab-uton para sa aton mga aksyon: higugmaon ang Dios kag higugmaon ang aton isigkatawo. Pero kon kaisa indi amo sina kahapos magpalangga sa iban. Sa bug-os ninyo nga kabuhi, mahimo nga may tinion nga nabudlayan kamo nga magpakigbagay sa iban—basi may nakasakit sa inyo ukon nabudlayan kamo nga makighambal ukon makigbagay sa isa ka tawo. Sa sini nga tinion, tinguhai nga panumdumon ang pagpalangga nga nabatyagan ninyo gikan sa kaabyanan, pamilya, Amay nga Langitnon, kag kay Jesucristo. Panumduma ang inyo kasadya sa sini nga mga sitwasyon kag panumduma kon ang tanan may oportunidad nga mabatyagan ang kasubong nga pagpalangga. Panumduma nga ang tanan anak sang Dios kag nagakabagay sa alangay Iya kag inyo pagpalangga.

Magpanumdom sang isa ka tawo sa inyo kabuhi nga nabudlayan kamo makigbagay. Ilakip sila sa inyo mga pangamuyo kag pangabaya ang Amay nga Langitnon nga buksan ang inyo tagipusuon sa ila. Sa indi madugay makita ninyo kon paano Niya ini himuon: bilang isa sa Iya mga anak nga nagakabagay palanggaon.

Pagkatapos ninyo magpangamuyo, maghimo sang isa ka maayo nga butang para sa ila! Mahimo nga agdahon ninyo sila sa isa ka kahiwatan sa Mutual ukon maggwa upod sa mga abyan. Magtanyag nga magbulig sa homework assignment. Bisan na lang gani mag “hello” kag magyuhum sa ila. Ang magagmay nga mga butang sarang maghimo sang kinalain … sa pareho ninyo nga kabuhi!