Mga Kabataan

Sakam!

Si Pangulong Uchtdorf naghambal nga ang ebanghelyo daw pareho sa praktis patanda-tanda. Kinahanglan naton punteriyahon ang pinakaimportante nga mga butang. Ang pinakaimportante nga mga kasuguan amo ang higugmaon ang Dios kag higugmaon ang iban. Kon tutukan naton ining duha ka mga butang, sarang naton pirme masakam ang aton tuyo!

Magdrowing sang dako nga target sa isa ka panid sang papel. Ipabasa sa isa ka ginikanan ang masunod nga listahan sa inyo. Kon ang isa ka butang sa listahan isa ka bagay nga nagabulig sa aton nga magpakita sang aton pagpalangga sa Dios kag sa iban, isulat ukon i-drowing ini sa tunga sang target.

Magpaambit sang inyo hampanganan

Magpangawat sang dulsi

Magsimba

Magsunlog sang isa ka bata

Magpangamuyo

Hakson ang isa ka tawo

Mag-inaway sa inyo utod