ຊາວໜຸ່ມ
ການຮັບໃຊ້ຄົນອື່ນດ້ວຍສັດທາ
ປະທານອຸກດອບບອກເຮົາວ່າ ສັດທາຂອງເຮົາໃນພຣະເຈົ້າ ຕ້ອງ “ຄຽງຄູ່ໄປກັບການກະທຳ.” ເມື່ອສັດທາຂອງເຮົາ “ປະກອບດ້ວຍການກະທຳ,” ເພິ່ນອະທິບາຍວ່າ, ມັນ “ເຮັດໃຫ້ … ຈິດວິນຍານເຕັມໄປດ້ວຍຄວາມສະຫງົບສຸກ ແລະ ຄວາມຮັກ.” ດ້ວຍຄຳສັນຍາຂອງພອນນີ້, ເຮົາ ສາມາດ ສ້າງຄວາມແຕກຕ່າງ, ແລະ ເຮົາສາມາດເຫັນສິ່ງນີ້ ໃນຊີວິດຂອງເຮົາ ຖ້າຫາກເຮົາໃຊ້ເວລາເຮັດການຮັບໃຊ້ທີ່ເຕັມໄປດ້ວຍສັດທາ. ທ່ານສາມາດອະທິຖານທຸກເຊົ້າ ເພື່ອທູນຂໍໃຫ້ພຣະຜູ້ເປັນເຈົ້າຊ່ວຍເຫລືອ ໃນການຮັບໃຊ້ຄົນອື່ນ. ຍົກຕົວຢ່າງ, ທູນຂໍໃຫ້ພຣະອົງສະແດງໃຫ້ເຈົ້າຮູ້ ຕອນອ້າຍເອື້ອຍນ້ອງຂອງເຈົ້າຕ້ອງການໃຫ້ຊ່ວຍເຮັດວຽກເຮືອນ ຫລື ຕອນໝູ່ເພື່ອນຢາກໄດ້ຮັບກຳລັງໃຈ. ແລ້ວ, ເມື່ອເຈົ້າໄດ້ຮັບການດົນໃຈ, ໃຫ້ເຈົ້າລົງມືເຮັດຕາມນັ້ນ! ຖ້າຫາກເຈົ້າເຮັດໃຫ້ການອະທິຖານເຫລົ່ານີ້ ແລະ ການຮັບໃຊ້ນີ້ ກາຍເປັນນິໄສ, ແລ້ວການກະທຳທີ່ຊື່ສັດ ແລະ ສະໝ່ຳສະເໝີຂອງເຈົ້າ ຈະເປັນພອນໃຫ້ແກ່ຊີວິດເຈົ້າ ແລະ ຊີວິດຂອງຄົນອື່ນໆ. ປະທານອຸກດອບສັນຍາວ່າ ເຈົ້າ “ສາມາດປ່ຽນບຸກຄົນ, ຄອບຄົວ, ປະຊາຊາດ, ແລະ ໂລກໄດ້.”