ຂ່າວສານການຢ້ຽມສອນ, ເດືອນເມສາ 2017

ຄຳສາບານ ແລະ ພັນທະສັນຍາຂອງຖານະປະໂລຫິດ

ໃຫ້ສຶກສາຂ່າວສານນີ້ດ້ວຍການອະທິຖານ ແລະ ສະແຫວງຫາການດົນໃຈເພື່ອຈະໄດ້ຮູ້ຈັກສິ່ງທີ່ຄວນແບ່ງປັນ. ການເຂົ້າໃຈຈຸດປະສົງຂອງສະມາຄົມສະຕີສົງເຄາະ ຕຽມທິດາຂອງພຣະເຈົ້າ ສຳລັບພອນແຫ່ງຊີວິດນິລັນດອນແນວໃດ?

ຮູບພາບ

Relief Society seal

ສັດທາ, ຄອບຄົວ, ສົງເຄາະ

ເມື່ອພວກເຮົາໃນຖານະເອື້ອຍນ້ອງເຂົ້າໃຈວ່າ ຄຳສາບານ ແລະ ພັນທະສັນຍາຂອງຖານະປະໂລຫິດ ມີສ່ວນກ່ຽວຂ້ອງກັບເຮົາເປັນສ່ວນຕົວຫລາຍຂຶ້ນເທົ່າໃດ, ເຮົາຈະຮັບເອົາພອນ ແລະ ຄຳສັນຍາຂອງຖານະປະໂລຫິດຫລາຍຂຶ້ນເທົ່ານັ້ນ.

ແອວເດີ ເອັມ ຣະໂຊ ບາເລີດ ແຫ່ງກຸ່ມອັກຄະສາວົກສິບສອງ ໄດ້ກ່າວວ່າ, “ທຸກຄົນທີ່ໄດ້ເຮັດພັນທະສັນຍາທີ່ສັກສິດນຳພຣະຜູ້ເປັນເຈົ້າ ແລະ ຜູ້ທີ່ຮັກສາພັນທະສັນຍາເຫລົ່ານັ້ນ ສາມາດໄດ້ຮັບການເປີດເຜີຍສ່ວນຕົວ, ຮັບພອນໂດຍການປະຕິບັດຂອງເຫລົ່າທູດ, ສື່ສານກັບພຣະເຈົ້າ, ຮັບຄວາມສົມບູນຂອງພຣະກິດຕິຄຸນ, ແລະ ໃນທີ່ສຸດ, ກາຍເປັນຜູ້ໜຶ່ງທີ່ໄດ້ຮັບມູນມໍລະດົກຮ່ວມກັບພຣະເຢຊູຄຣິດ ໃນທຸກສິ່ງທີ່ພຣະບິດາຂອງເຮົາມີ.”¹

ພອນ ແລະ ຄຳສັນຍາຂອງຄຳສາບານ ແລະ ພັນທະສັນຍາຂອງຖານະປະໂລຫິດ ກ່ຽວພັນກັບທັງຊາຍ ແລະ ຍິງ. ຊິດສະເຕີ ແຊຣີ ແອວ ດູ, ອະດີດທີ່ປຶກສາໃນຝ່າຍສະມາຄົມສະຕີສົງເຄາະສາມັນ, ໄດ້ກ່າວວ່າ, “ຖານະປະໂລຫິດທີ່ສົມບູນແບບ ຂອງພິທີການອັນສູງສຸດ ໃນບ້ານຂອງພຣະຜູ້ເປັນເຈົ້າ ສາມາດຮັບໄດ້ ພຽງແຕ່ເມື່ອຊາຍ ແລະ ຍິງ ມີໜ້າຢູ່ນຳກັນເທົ່ານັ້ນ.”²

ຊິດສະເຕີ ລິນດາ ເຄ ເບີຕັນ, ປະທານສະມາຄົມສະຕີສົງເຄາະສາມັນ, ໄດ້ລະບຸການເອີ້ນນີ້ວ່າ, “ຂ້າພະເຈົ້າຂໍເຊື້ອເຊີນທ່ານໃຫ້ທ່ອງຂຶ້ນໃຈ ຄຳສາບານ ແລະ ພັນທະສັນຍາຂອງຖານະປະໂລຫິດ, ຊຶ່ງມີຢູ່ໃນ ພຣະຄຳພີ Doctrine and Covenants 84:33–44. ໂດຍການເຮັດສິ່ງນີ້, ຂ້າພະເຈົ້າສັນຍາກັບທ່ານວ່າ ພຣະວິນຍານບໍລິສຸດ ຈະຂະຫຍາຍຄວາມເຂົ້າໃຈຂອງທ່ານກ່ຽວກັບຖານະປະໂລຫິດ ແລະ ດົນໃຈ ແລະ ສົ່ງເສີມທ່ານ ໃນທາງທີ່ດີເລີດ”³

ຄຳແນະນຳຂອງໂຈເຊັບ ສະມິດ ຕໍ່ສະມາຄົມສະຕີສົງເຄາະ ມີເຈດຕະນາໃຫ້ຕຽມສະຕີ ເພື່ອ “ມາຮັບເອົາສິດທິພິເສດ ແລະ ພອນ ແລະ ຂອງປະທານຂອງຖານະປະໂລຫິດ.” ສິ່ງນີ້ຈະປະສົບຄວາມສຳເລັດໄດ້ ຜ່ານທາງພິທີການຂອງພຣະວິຫານ.

“ພິທີການຂອງພຣະວິຫານ [ຄື] ພິທີການຂອງຖານະປະໂລຫິດ, ແຕ່ມັນ [ບໍ່ໄດ້] ມອບຕຳແໜ່ງຂອງການເປັນຝ່າຍສົງໃຫ້ແກ່ຊາຍ ແລະ ຍິງ. [ພິທີການເຫລົ່ານີ້ ບັນລຸ] ຄຳສັນຍາຂອງພຣະຜູ້ເປັນເຈົ້າ ວ່າຜູ້ຄົນຂອງພຣະອົງ—ຍິງ ແລະ ຊາຍ—ຈະໄດ້ຮັບພິທີການສັກສິດ ດ້ວຍອຳນາດຈາກເບື້ອງບົນ [ເບິ່ງ D&C 38:32].”⁴

ຂໍ້ພຣະຄຳພີ ແລະ ຂໍ້ມູນເພີ່ມເຕີມ

Doctrine and Covenants 84:19–40; 121:45–46; reliefsociety.lds.org

© 2017 ໂດຍ Intellectual Reserve, Inc. ສະຫງວນລິຂະສິດທຸກປະການ. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/16. ການແປໄດ້ຮັບອະນຸຍາດ: 6/16. ແປຈາກ Visiting Teaching Message, April 2017. Laotian. 97924 331