Umyalezo Wokufundiswa Ngokuvakashelana, ngo-Okthoba 2017
Ukusonga Ngothando Labo Abaphambukile
Ngomkhuleko funda lemibhalo ngenhloso yokufuna ukwazi ngalokho ongakhuluma ngakho. Ukwazi ngenhloso yeNhlangano Yabesimame Yenkululeko kuwalungiselela kanjani amadodakazi kaNkulunkulu ukuba athole izibusiso zempilo engunaphakade?
Ukholo Umndeni Inkululeko
“Empeleni ayikho imindeni eqotho kahle hle… ,” kwasho uMongameli uDieter F. Uchtdorf, uMeluleki wesiBili kubuMongameli bokuQala. “Noma ngabe yiziphi izinkinga umndeni wakho obhekene nazo, noma ngabe yini ongayenza ukuzixazulula, isiqalo nesiphetho sokuzixazulula isihe, esiwuthando olumsulwa lukaKristu.”1
Kulabo abangalibambi iqhaza ngokuphelele evangelini, uLinda K. Burton, owangaphambilini uMongameli omkhulu weNhlangano Yabesimame Yenkululeko wathi: “UBaba oseZulwini ubathanda bonke abantwana bakhe… Noma ngabe bakuphi—endleleni noma baphambukile—ufuna babuye ekhaya.”2
“Kodwa ke noma ngabe ingane yakho iyihlongandlebe, uma ukhuluma nayo, ungakhulumi uthukuthele, noma ucasukile, ngomoya wokujezisa,” kwafundisa uMongameli uJoseph F. Smith (1838–1918). “Khuluma nabo ngesihle.”3
Igosa uBrent H. Nielson wabangamaShumi ayisiKhombisa waphindisisa imiyalelo yoMsindisi kulabo ababenezingcezu eziyi-10 zesiliva bese belahlekelwa eyodwa: “Icinge uze uyithole. Uma lena elahlekile kuyindodana noma indodakazi, umfowenu noma udadewenu, … emva kwakho konke ongakwenza, muthande loyo muntu ngenhliziyo yakho yonke. …
“Engathi mina nawe singathola isambulo sokwazi kangcono ukuthi singenza kanjani ukusondela kulabo abalahlekile ezimpilweni zethu, uma kudingeka, sibe nesineke nothando lukaBaba oseZulwini kanye neNdodana Yakhe, uJesu Kristu, njengoba thina sithanda, sibuka, futhi siyilinda indodana yolahleko.”4
UMongameli Henry B. Eyring, uMeluleki Wokuqala kubuMongameli Bokuqala, wathi: “Sengikhuleke ngokukholwa ukuthi umuntu engimuthandayo uzowacinga futhi awezwe amandla eNhlawulo. Ngikhulekile ngokukholwa ukuthi abantu abayizingelosi bazofika bazosiza, nangempela bafika.
“UNkulunkulu usungule izindlela zokusindisa izingane Zakhe ngayinye.”5
Imibhalo eNgcwele kanye nolwazi olwengeziwe
© 2017 ngabakwa Intellectual Reserve, Inc. Wonke amalungelo agciniwe. Igaywe eMelika. Usuku okuvunywe ngalo ukuba lezi zifundo zikhishwe ngesiNgisi: 6/17. Usuku okuvunywe ngalo ukuba lezi zifundo zihunyushwe: 6/17. Ukuhumushwa ko Visiting Teaching Message, October 2017. Zulu.97930 783