Vetëm në Format Elektronik: Të Rinjtë e Të Rejat në Moshë Madhore
Pritja me Padurim për t’u Vulosur
Ndonëse planet tona ndryshuan, ne u afruam më shumë bashkë dhe me Perëndinë.
Fotografi ku pozojnë modele
Autorja jeton në Kanto, Japoni.
I fejuari im dhe unë do të vuloseshim këtë muaj në Tempullin e Saporos, Japoni. Pastaj rrethanat filluan të ndryshonin për shkak të virusit korona. Për çdo pasiguri të re, kërkoja udhërrëfimin e Perëndisë duke u lutur, duke lexuar shkrimet e shenjta dhe duke dëgjuar bisedat nga konferenca e përgjithshme. E përsëritja këtë proces në mënyrë të përsëritur teksa merrja vendime për të ardhmen. Përfundimisht, tempujt u mbyllën. Sot ne ende po presim të vulosemi. Por e kam parë mënyrën se si po na ndihmon Perëndia gjatë kësaj kohe të vështirë.
Bekime në mes të Pasigurisë
Sinqerisht, kjo përvojë ka qenë e rëndë. Por kam përjetuar shumë bekime gjithashtu. Shkrimi në ditar më ka ndihmuar t’i dalloj ato bekime dhe ka qenë shumë përmbushës gjatë kësaj kohe të vështirë.
Një bekim që kam parë është se lidhja midis meje dhe të fejuarit tim është bërë më e fortë. Ai dhe unë jetojmë në vende të ndryshme, bëjmë jetë të pavarura dhe nuk jemi në gjendje të takohemi. Por vendosëm të lutemi së bashku e të bisedojmë për gjërat që po mësojmë nga studimi ynë i ungjillit. Morëm vendime së bashku. Ndonëse mbetëm të ndarë fizikisht, lidhja jonë u thellua dhe ai m’u duk më afër.
Ecja Përpara
Më së fundi, vendosëm të martoheshim ligjërisht. Nuk e di se kur do të mundemi të vulosemi në tempull, por e pres me padurim.
Unë besoj se ka shumë gjëra që mund të mësojmë nga kjo pandemi globale. Kam mirëbesim se Zoti ka një plan për të mirën tonë të përjetshme, pavarësisht nga ajo që ndodh në botën përreth nesh –“pasi ai e do botën, deri në pikën sa të japë jetën e tij, që ai të mund të tërheqë të gjithë njerëzit te vetja” (2 Nefi 26:24).
Besoj se Zoti dëshiron të na ndihmojë të gjithëve të gjejmë lumturinë gjatë kësaj situate të rëndë. Unë tashmë e kam gjetur paqen duke parë bekimet që kam. Nëse po përballeni me sprova të ngjashme tani, mos u dëshpëroni. Edhe kjo pandemi mund t’jua forcojë dëshminë.