Juon Ennaan in Kōjatdikdik n̄an Ro Rej Pād ilo Kalbuuj
Meram eo an Anij emaron̄ erom̧ juon m̧ōttan ilju im jekļaj eo am̧.
Kōmeļeļe ko jān David Green
Iiō ko rem̧ootļo̧k, ikar loļo̧k kalbuuj ke ikar ioon juon em̧m̧aan etan in Eric. Eto an kalbuuj ium̧win 17 iiō ko. Ilo iien in, Eric ekar to an jab bar jar. Ekar jar aolep iien ippān ro jet im ekar jipan̄ elōn̄ armej ekkatak kōn jeje ko rekwojarjar. Ke ikar ioon Eric, ekar en̄taan jān apan̄ in nan̄inmej ko rekauwōtata. Ikar jab maron̄ loļo̧k e ilo jikin kalbuuj eo an ilo ruum eo ilo aujpitōļ.
Ke ikar kōnono, Eric ekar ba n̄an eō jon̄an an kam̧m̧oolol kōn elōn̄ membōr in Kabun̄ in ro rekar jipan̄ e ium̧win elōn̄ iiō ko. Ekar kwaļo̧k an naan in kam̧ool im tōmak ilo Jisōs Kraist. Innem, ilo juon ainikien unoojdikdik, ekar ba bwe ekar wōr wōt elōn̄ raan ko me ej en̄jake ke ekar atajinemjen im ajimakeke. Kom̧or kar kōnono ium̧win juon iien eaitok, jar ippān doon, im jepelļo̧k jān doon āinwōt ro rej m̧ōttāik doon. Jejjo awa tokālik, ikar ron̄ ke Eric em̧ōj an jako.
Iaļ eo an Eric ilo mour in ekar lukkuun pen. Ak āliktata ekar jeļā kajjien im iakwe Jemedwōj Ilan̄, Jisōs Kraist, im e make. Im men kein relukkuun aorōk. Ilo mour indeeo, ijjab ļōmņak enaaj juon men eļap ikkijeen ia ak wāween ad jeļā kajjien Jisōs. Ta eo enaaj aorōk ej ta eo kajjojo kōj jej kōm̧m̧ane n̄an mour ko ad ālkin ad jeļā wōn E.
Jekjek ko im jokāālet ko me rej tōl n̄an am̧ kalbuuj rejjab aikuj kwaļo̧k meļeļein mour eo am̧. Kwomaron̄ kar kōm̧m̧ane bōd ko, kilep im dik. Kwomaron̄ kar kōm̧m̧an jorrāān ko juon kōttan ak elōn̄ kōttan. Menin ej m̧ōttan mour eo m̧okta, ak mour eo am̧ m̧okta ejjab kāālet ilju im jekļaj eo am̧. Ewōr ippam̧ kajoor n̄an kōm̧m̧ani jokāālet ko me renaaj karuwaineneik m̧ōņōņō, men̄e ilo iien ko reppen.
Lukkuun Moolin Kadkadūm̧
Sister Joy D. Jones, Būreejtōn eo Eutiej an Būraimere, ekar loļo̧k kalbuuj ko elōn̄ kōttan. Ekar ba n̄an eō kōn bwebwenato in.
“Ij keememej iien eo jinoin me ikar loļo̧k m̧ōn kalbuuj eo me epaake ijo ij jokwe ie. Ke ikar kōnono ippān juon kurup in Kōm kar kōnono kōn kadkadim ekwojarjar āinwōt ajri ro nejin Anij.
“Ilo juon tōre, ikar jiron̄ er kōn leddik eo jibū me ruo an iiō eo ekar itok ippa juon raan, im ettōn̄ dikdik. Ekar itok limoin im ba n̄an eō, ‘Bubu, N̄a nejin Anij!” Innem juon armej ej ba ilo an dik ainikien, ‘Ij kōļmenļo̧kjeņ kōn ta eo mour eo aō enaaj āinwōt rainn eļan̄n̄e ekar ba n̄an eō ke ikar dik wōt ke n̄a nejin Anij.’
“Ennaan eo em̧m̧an ej bwe kōj jej aolep ajri ro nejin Anij,” Sister Jones continued, “men̄e jej jeļā āinwōt juon ajri ak tokālik ilo mour in. E jamin lukkuun rūm̧ūj. Kwoj jab atajinemjen. Anij ejeļā kajjiem̧. Ej iakwe eok. Eo nejin, Jisōs Kraist, ej ad Rilo̧mo̧o̧r. Ekar mej kōn kōj kajjojo. Kōn menin, Jisōs ewānōk an meļeļe kōn mour ko ad, im jemaron̄ lukkuun bōk jeorļo̧k in jerawiwi ko ad. Ekar ba, ‘Aaet, remaron̄ meļo̧kļo̧k, ak Ij jamin meļo̧kļo̧k eok. … Lo, Iaar jeje etam̧ ioon lo̧piden pā ko peiū; im wōrwōr ko am̧ rej im̧aō iien otemjeļo̧k’ (1 Nipai 21:15–16).”
Tōmak bwe kwe, im aolep ro kwojeļā kajjier, ej nejin Anij emaron̄ juon kein jipan̄ āinwōt kajoor itulowa. Ilo am̧ bōk m̧ool in im kōtļo̧k bwe en tōl mour eo am̧, kwonaaj lo eļapļo̧k aeņōm̧m̧an im erom̧ juon waanjon̄ak em̧m̧an n̄an ro jet.
Bar Kalōk Lōke
Ilo aolep mour in emaron̄ lukkuun pen n̄an jeļā wōn eo jen lōke, ak kwomaron̄ aolep iien lōke Jemedwōj Ilan̄. Jeje ko rekwojarjar rej katakin kōj bwe Anij ewanōk an ejeļā kajjiem̧. Ej iakwe eok im ejjab riab.1 Eļan̄n̄e lōke ro jet—ekoba Anij—epen n̄an eok, jar kake. Kajjitōk ippān Jemedwōj Ilan̄, “Kwoj Ke iakwe eō? Imaron̄ Ke lōke Eok?” Innem ron̄jake uwaak eo. Emaron̄ itok āinwōt juon en̄jake ekaeņōm̧m̧an ak ekaļur kōļmenļo̧kjeņ. Emaron̄ bōk iien. Ak Anij enaaj uwaake jar ko am̧.
N̄an kakkobaba n̄an jeļā wōn eo kwomaron̄ lōke, eaorōk n̄an erom̧ juon eo emaron̄ ļap lōke. Bōlen emaron̄ jab ekkar n̄an eok bwe kwon kepaake ro me kwaar kōmetak er. Ak kwomaron̄ ļōmņak wōt kōn m̧akūtkūt ko m̧okta jān kōļmenļo̧kjeņ, ejaake tūriam̧o n̄an er, im jar kōn er. Komaron̄ kālet n̄an erom̧ juon armej relōke ilo jem̧jerā eo am̧ ekāāl kwoj ejaake.
Imaron̄ erom̧ juon iaļ eaitok. Eļap aō kam̧m̧oolol kōn kōketak in jān Elder Jeffrey R. Holland jān Doulul eo an Jon̄oulruo Ro: “Iakwe wōt. Kajieon̄ wōt. Lōke wōt. Tōmak wōt. Etal wōt. Lan̄ ej m̧ōņōņō kōn eok rainin, ilju, im indeeo.”2
Jerbal in Kōkaajrdikdik ilo Iien Kalbuuj
Kwomaron̄ po n̄an ļōmņak bwe kwojjab maron̄ erom̧ juon pāāren ilo iien ko ilo iien am̧ kalbuuj. Anjo̧ jān ļōm̧ak. Ijo ekkar, kappukot wāween ko n̄an jipan̄ baam̧le ko am̧ im ajri ro nejūm̧.
Ilo iiō ko rej kab jem̧ļo̧k, ritōl ro an Kabun̄ in rekar kwaļo̧k jon̄an an aorōk ej n̄an tōpar gospel in n̄an bar juon ilo baam̧le ko ad. Kajjitōk ippam̧ make, “Ewi wāween aō maron̄ jipan̄ baam̧le eo aō bōk kōjeraam̧m̧an ko an gospel?” Erkein rej ļōmņak ko emen:
-
Kwomaron jar aolep iien kōn baam̧le eo am̧. Jar ej juon kain jerbal an jetōb ekajoor me ejjeļo̧k jon̄an kōn wōrwōr ak ettoļo̧kin.
-
Eļan̄n̄e kwoj kōtļo̧k bwe kwon kōnono ippān ajri ro nejūm̧, kappukot wāween ko rekkar n̄an kwaļo̧k iakwe eo am̧. Katakin er kōn katak ko an jetōb me kwoj ekkatak kaki.
-
Kōm̧m̧an juon kijejeto n̄an bar kakobaik eōk ippān ro m̧ōttam̧ me eļap lōke er. Kalōk jem̧jerā ko ippān ro me renaaj erom̧ juon kareel em̧m̧an n̄an baam̧le eo am̧.
-
Oktak n̄an em̧m̧anļo̧k. Aolep kijejeto kwoj kōm̧m̧ane n̄an kōkm̧anm̧anļo̧k eok make im bōk eddo n̄an jokāālet eo am̧ enaaj jipan̄ eok erom̧ juon baba ak m̧am̧a em̧m̧an.
Bun̄ M̧aanļo̧k
Rikanaan eo ad rainin, Būreejtōn Russell M. Nelson, ekar ba bwe tōre in ilo mour in ej n̄an m̧aanjappopo n̄an ioon Anij ilo ad ļoor waanjon̄ak eo an Jisōs Kraist. “Im jej kōm̧m̧ane menin ilo ad ukweļo̧k aolep raan im bōk kajoor in karreo, kōmour, kōkajoo,” ekar ba. “Innem jemaron̄ en̄jake aeņōm̧m̧an im lan̄lōn̄ ejjeļo̧k jem̧ļo̧kin, men̄e ilo iien poktak ko.”3
Ukweļo̧k ej juon m̧ōttan kōmour eo eaorōk. Ej ijjino ilo am̧ m̧ool in jar n̄an Anij, ba n̄an E ta eo kwomaron̄ kōm̧m̧ane ebōd im kajjitōk kōn An jeorļo̧k bōd. Kwonaaj en̄jake aeņōm̧m̧an ilo am̧ ekkatak eļapļo̧k kōn gospel eo im ļoor waanjon̄ak eo an Jisōs Kraist. En̄jake kein, im m̧wilim̧ eokoktak, rej kam̧ool bwe kwoj jino bōk kōmour.
Ritōl ro an Kabun̄ in rej pād ijeņ n̄an jipan̄ eok etetal ilo iaļ n̄an Anij. Kōn Jisōs Kraist, enaaj aolep iien maron̄ bwe jen jepļaak n̄an ippān Jemedwōj Ilan̄. Men̄e kwomaron̄ en̄jake jeorļo̧k bōd jān Anij m̧okta jān am̧ bōk jeorļo̧k bōd jān baam̧le eo am̧, jukjuk in pād, ak barāinwōt jet membōr in Kabun̄ in, jab ebbwer. Wōnm̧aanļo̧k wōt im bun̄ m̧aanļo̧k. Lōke kallim̧ur ko an Anij im iien ko An.
Anij Enaaj Jipan̄ Eok Bōk Kōmour
Keememej bwe jabdewōt en̄jake in kōmour—ekoba jān an̄n̄ūrlep, ko̧kkure, ak metak in en̄jake ko jet—ebōk iien. Baibōļ ej kwaļo̧k bwebwenato in Jisōs ke ej kōmour em̧m̧aan eo ebilo eo me ekar bar maron̄ loļo̧kjeņ. Ekar m̧okta loe “armej āinwōt wōjke, rej etetal.” Innem Jisōs “likūt pein ņa ioon mejān” im iien eo ne em̧m̧aan eo ekar maron̄ lukkuun lo aolep men (Mark 8:24–25). Ejjeļo̧k oktak, ke Jisōs ekar kōmour juon kōrā eo ekar toorļo̧k bōtōktōk, kar ālkin an kar en̄taan kōn juon nan̄inmej ium̧win 12 iiō (lale Mark 5:25–34). Bwebwenato kein rej kakeememej kōj bwe kōmour ilo ānbwin, jetōb, im kōļmenļo̧kjeņ ekkā aer waļo̧k. Eļan̄n̄e kwoj en̄jake am̧ kōmour ejjab bōk jikin ilo iien eo em̧ōkaj tata me kwoj kōņaan, kajjieon̄ kakilen tōprak ko reddik. Jar im kōnono ippān Anij kōn en̄jake ko am̧, ekoba kam̧m̧oolol E kōn jabdewōt eddōkļo̧k kwoj loe.
Men̄e kwoj juon membōr in Kabun̄ eo an Jisōs Kraist im Armej ro Rekowjarjar ilo Raan-ko Āliktata kadede, ekkatak eļapļo̧k kōn gospel eo, ak bar rooltok n̄an Kabun̄ in, jouj im jeļā kea kōn eok. Jekdo̧o̧n ta eo ekar waļo̧k ilo mour eo am̧, ak jon̄an an aitok iaļ eo epād im̧aan, ilju im jekļaj eo am̧ emaron̄ lukkuun obrak kōn meram eo an Anij. Iaļ eo an gospel eo ej letok n̄an kōj kajoor. Ej bōktok n̄an kōj aeņōm̧m̧an. Ej tōl n̄an eļapļo̧k m̧ōņōņō ilo mour in im lan̄lōn̄ ilo mour indeeo.
Jemedwōj Ilan̄ im Nejin rejeļā im iakwe eok ilo lukkuun m̧ool. Rejamin katajinemjen eok. Rejamin kōmetak eok. Rejamin meļo̧kļo̧k eok.