Jerbal in Karejar n̄an Ro Rej Pād ilo Kalbuuj
Aorōkin juon jetōb an armej ejjab dikļo̧k kōn jorrāān im ko̧kkure.
Pija ko jān Getty Images
Kiiō, elōn̄ļo̧k jān 10 milien armej rej pād ilo kalbuuj ipeļaakin laļ in.1 Jisōs Kraist, eo ej iakwe aolep armej im emeļeļe kōn aolep men ko reppan, ej kajjitōkin kōj n̄an jerbal in karejar n̄an aolep ajri ro nejin Jemedwōj Ilan̄—ekoba ro me rej pād ilo kalbuuj. “Innām ro rem̧m̧an renaaj uwaak E, im ba, Irooj, n̄āāt kōm ar lo Am̧ … ilowaan kalbuuj, im ar iwōj n̄an Ippam̧?
“Im kiin̄ eo enaaj uwaak im ba n̄an er, Em̧ool Ij ba n̄an kom̧, ilo ami kōm̧anm̧an jabdewōt n̄an juon rein ro jatū ediktata, kom̧ ar kōm̧anm̧ane n̄an Eō.” (Matu 25:36–40).
Ewi wāween ad maron̄ kōm̧m̧ane ta eo Rilo̧mo̧o̧r ekar kajjitōk im jerbal in karejar n̄an ro rej pād ilo kalbuuj? Bwebwenato in ej letok pedped in katak ko repidodo āinwōt juon ijjino. Jar ilo am̧ ekkōnono ippān ritōl ro an Kabun̄ in ilo jikin eo ta eo ekkar im jim̧we n̄an eria eo am̧.
Ajri ro Nejin Anij
Ilo an oktak wāween kajim̧we ko, apan̄ eo ikkijeen kalbuuj ej aolep juon wōt ilo laļ ko im manit ko. Doug Richens ej tōl iien loļo̧k ko n̄an ro uwaan Kabun̄ in. Ej barāinwōt loloorjake ippān tōmak ko jet im kurup in ro ilo jukjuk in pād ko n̄an jipan̄ armej rein jekdo̧o̧n jorrāān ak ko̧kkure ko aer ak tōmak in kabun̄ ko aer.
“Rej likūt ro me rej pād ilo kalbuuj ej bwe rej aolep jab maron̄ lōke er, rikakkure, im rekauwōtata,” Brother Richens ekar ba. “Ijoke, ikar lo bwe elōn̄ iaer rejjab eindein. Eļap burom̧ōj kōn kōm̧m̧an ko aer. Rej kajjieon̄ n̄an jerkak im anjo̧ ioon jokāālet ko aer renana m̧oktaļo̧k im mour kōn mour ko rem̧m̧an.”
Ilo jet laļ, elōn̄ āinwōt jim̧m̧aten in armej ro ewōr ro uwaan baam̧le ko aer rej pād ilo kalbuuj.2 Jein im jatin, jinen im jemān, im ajri ro nukun ro ilo kalbuuj—ijjeļo̧kin an jabdewōt jem̧jerā ko ilo laļ in—rej ro nejin Anij.
Mour In im Ekajet eo Indeeo
Men̄e mour in emenin aikuj n̄an kōj n̄an kōm̧m̧ane jem̧jerā ko, Jemedwōj Ilan̄ im Jisōs Kraist rej make wōt ro remaron̄ lo arin armej pedped wōt ioon jekjek ko an, im ikdeeled ko an (lale 1 Samuel 16:7). Ekajet eo ewānōk enaaj pād ilo kōļmenļo̧kjeņ im jekjek ko me armej rej lōtak tok kaki im kōm̧m̧ane bwe jikin kalbuuj en einwot ijoko rem̧m̧an, āinwōt jorrāān an baam̧le eo, jeram̧ōļ, juon manit eo n̄an kōjerbal uno ko rekajoor, im ko jet. Elōn̄ wāween ko jet remaron̄ im̧we maron̄ eo an juon armej n̄an kōm̧m̧ani jokāālet ko rem̧m̧an, ekoba ājmour im mour ko aer.3 Ilo an aorōk kōn jukjuk in pād eo n̄an kapen im ļoor kakien ko me rej n̄an inem̧m̧an an jukjuk in pād, jemaron̄ kōm̧m̧ane āindein kōn tūriam̧o im ļōmņak indeeo, kile bwe elōn̄ jejjab jeļā kake.
“Ļōmņak kōn wāween am̧ en̄jake eļan̄n̄e kwon kar tin ekajet ilo aolep mour eo am̧ pedped ion jekjek eo men eo enana kwar kōm̧m̧ane,” Tanja Schaffer ekar ba, juon membōr in Kabun̄ in eo ekar jerbal ilo juon opiij em̧ōj kōmālimi ilo juon iien m̧okta jān an erom̧ juon prisoner-advocacy group. “Ej an Anij pepe n̄an wōn ro ej jeorļo̧k an bōd, ak E ej kakien kōj n̄an jeorļo̧k an aolep bōd” (lale Matu 18:21–22).
Pedped in ekajet eo an ewānōk an Anij emaron̄ erom̧ juon kein jipan̄ in kaeņōm̧m̧an. Jet iien armej ro rej kōmetak ro jet rejjab bōk kaje ilo laļ in. Ro kar jorrāān remaron̄ en̄taan ālkin iiō in kalbuuj ko an rinana ro m̧ōj an jem̧ļo̧k. Elōn̄ armej rejelet er kōn kalbuuj rekar jim̧or ro rej pād ilo jorrāān im eo ekar kōm̧m̧ane jorrāān eo ilo iien ko rejeņoļo̧k jen doon, kakeememej kōk bwe mour in ej juon korak in jem̧jerā ko im kāālet ko me ejelet ro jet. Jemaron̄ lo aenōm̧m̧an ilo ad lōke Jemedwōj Ilan̄ im Jisōs Kraist remeļeļe kōn aolep men. Ekajet eo aer enaaj wānōk. Kōmour eo Rej Leļo̧k—n̄an jim̧or ro ejjeļo̧k ruōer im ro rej ukweļo̧k enaaj dedeļo̧k (lale Revelesōn 21:4).
Waanjon̄ak in Iakwe eo an Ritōl ro
Gerrit W. Gong jān Doulul eo an Jon̄oulruo Rijilōk Ro ej kōmeļeļe ilo juon kweilo̧k ijo aolep rej jepooļe rekar ekkaņōk nuknuk mouj. Ekar wōr al im jar, im iakwe an Anij eļap an bwe.4 Keidi n̄an ta eo elōn̄ iaad jemaron̄ kar pijaikļo̧k, menin ejjab juon kweilo̧k an tampeļ. Menin ekar juon jerbal in loļo̧k ijo nuknuk mour kar jon̄an in uniform eo aer.
“Ritōl ro an Kabun̄ in rej kea kōn aolep ro me kar jelōt er kōn jorrāān im rej pād ilo kalbuuj,” Brother Richens ekar kam̧ool, kōmeļeļeik wāween an juon ritōl leļo̧k kape in māākjiin eo an Kabun̄ in n̄an juon eo ej loļo̧k ilo prison kajjojo allōn̄. “Ekkā aer loļo̧k kalbuuj, jipan̄ baam̧le ko aer, im jouj ilo aer kea kōn ko rej jorrāān ak metak.”
Jerbal in kajim̧we ko rej eddo eo an stake būreejtōn eo, jerbal ippān ritōl ro an ward n̄an kōnono kōn aikuj ko an ro ilo eria ko aer. Ta eo ritōl ro am̧ ilo stake rej kōm̧m̧ane n̄an jerbal in karejar n̄an im kwaļo̧k ennaan in kōketak ko ippān membōr ro ilo kalbuuj? Ilo jet jikin ko, ro uwaan Kabun̄ in kar kūr er n̄an loļo̧k im katakin armej ro ilo kalbuuj. Brother Richens ekar bwe bwe ekkā an membōr ro kūr n̄an leļo̧k jipan̄ im rej ikūmkūm m̧okta, ak innem rej lo kūr eo āinwōt lukkuun ļap meļeļe me rejamin kōņaan bwe ren release.
“Menin Kabun̄ erreo,” ekar ba (lale James 1:27).
Ilo an jab aikuj eddodo n̄an loļo̧k armej ro ilo kalbuuj me jejjab jeļā kajjier, elōn̄ bar wāween ko jet jemaron̄ jerbal in karejar n̄an er ilo inem̧m̧an. Erkein rej jejjo iaer:
-
Kobaik armej ro ilo kalbuuj ilo jar ko am̧, eļaptata jabdewōt eo kwojeļā etaer. Jar ekajoor!
-
Lale jikin kalbuuj ko ilo jikin eo kwoj pā eļan̄n̄e rej aikuj m̧weik in jipan̄. Kapeel ko āinwōt aje, riit, būrajāāk in pija ak jin̄n̄a, im menmenbwij an baam̧l rej kōmālimi ilo elōn̄ jikin kalbuuj ko.y research are allowed in many facilities.
-
Eļan̄n̄e kwojeļā bwe juon armej ej pād ilo kalbuuj, jeje leta in kōketak n̄an er. Kōm̧m̧an jokāālet ko rem̧m̧an im retenwadik ilo am̧ ekkōnono. Ļoor Jetōb eo im dāpij manit ak m̧wil ko rekkar.
-
Kōm̧m̧an em̧m̧an n̄an ro uwaan baam̧le eo me rej pād ilo kalbuuj—eļaptata ajri—kōn iakwe, kautiej, im karuwaineneik er. Keememej bwe ro uwaan baam̧le eo rej ro ejjeļo̧k ruōer ak rej jorrāān im metak. Jetōb Kwojarjar emaron̄ jipan̄ kōj jeļā wāween eo em̧m̧an tata n̄an jerbal in karejar n̄an aolep membōr ro ilo baam̧le eo.
Jetōb Kwojarjar Ejjeļo̧k Jem̧ļo̧k ak Jon̄an
Pād ilo kalbuuj emaron̄ erom̧ iien elukkuun pen ilo mour an juon armej. Ak Jetōb Kwojarjar ejjab bōjrak kōn wōrwōr ko, aen ko, ak to aen ko. Jar, ekkatak jeje ko rekwojarjar, im ettā emaron̄ karuwaineneik An kaeņōm̧m̧an ilo iien eo em̧ōkaj ilowaan wōt kalbuuj ejjeļo̧k oktak jān nabōj in kalbuuj. Kōn menin, kalbuuj emaron̄ erom̧ juon jikin menin bwilōn̄ ko.
Portia Louder, juon membōr in Kabun̄ in ekar je juon an blog ke ej pād ilo kalbuuj, ekar kōmeļeļeik iien eo an ilo kalbuuj āinwōt juon iaļ in tōmak im pukot kiled make epen. “Eto aō pād ilo jet apan̄ ko reppen ilo mour eo aō, ak imaron̄ en̄jake aō bōk kōmour kōn juon iakwe me jab maron̄ kōmeļeļeiki,” ekar je. “Ta apan̄ eo kwoj jelm̧ae kiiō, jekdo̧o̧n ia eo kwoj pād ie ilo moru eo am̧, jab ebbwer!”
Garff Cannon, eo ekar jerbal āinwōt juon branch būreejtōn ilo juon jikin kalbuuj, ekar kōmeļeļeik wāween an Jetōb kar im̧we bwe en kōnono ilo jouj n̄an em̧m̧aan eo epen buruōn ilo kalbuuj eo ekar pād ilo juon mour epen. “Ta eo ikar ba n̄a n̄a rekar naan ko rejouj me kar kōnono tok n̄an eō ilo mour eo aō,” em̧m̧aan in ekar ba. “Ikar jab bar keememej aō kōnono n̄an kōn jouj im kea. Kom̧m̧ool.” Rekar kōjem̧ļo̧k loļo̧k ko aer kōn jar eo jinoin tata em̧m̧aan in ekab ron̄ ium̧win elōn̄ iiō ko.
“Aaet, Jetōb Kwojarjar ej lukkuun pād ilo jikin kalbuuj ko,” Brother Cannon testified. “Ajri ro nejin rej pād ijeņ, im Ekōņaan bwe ren bar rooltok.”
Anij ej kōm̧m̧an kallim̧ur ko rekajoor n̄an aolep ro rej kāālet n̄an ļoor E, jekdo̧o̧n jej m̧okta ekkatak kōn E ilo Jabōt Jikuuļ ak ilo juon jikin kalbuuj. Āinwōt Ezekiel 36:26 ba, “Inaaj lewaj n̄an kom̧ juon bōro ekāāl, im Inaaj likūt juon jetōb ekāāl i buļōmi.”
Bar Deļon̄eļo̧k Jukjukin Pād Eo Eļap An Lukkuun Pen
Aorōkin juon jetōb an armej ejjab dikļo̧k kōn jorrāān ak ko̧kkure (lale Katak im Bujen Ko 18:10). N̄e juon ej ikdeleel n̄an oktak n̄an em̧m̧anļo̧k, jej ke kōtļo̧k bwe armej ren eddōkļo̧k im bōk jeorļo̧k bōd?
“Jouj im tūriam̧o an Anij eļap, Brother Richens ekar ba. “Jet iien armej ro ilo kalbuuj rej en̄jake jeorļo̧k bōd jān Irooj eto m̧okta jān aer bōk jeorļo̧k bōd jān kien eo, jukjuk in pād eo, ak barāinwōt jet membōr in Kabun̄ in.”
Jepļaak n̄an jukjuk in pād ālkin kalbuuj epen. Ro rej pād ilo kalbuuj ekkā an apan̄ aer kappok jerbal ak em̧. Jemaron̄ jipan̄ er kappukot inem̧m̧an eo ilo aolep jikin ko im kōketak itok limo ko rewāmourrur. Bolen men eo eļaptata an aorōk jemaron̄ kōm̧m̧ane ej bwe jen jet m̧ōttā ro rem̧m̧an im rekajoor. Ke Josep Smith ekar kōnono kōn an kalbuuj maron̄ ukot mour an armej ke ekar būreejtōn, ekar katakin bwe “iien ko reppen im ajimakeke eban lukkuun ļap an ukot mour an armej jān ļōmņak im m̧ōttā.”5
Tūriam̧o Ej Kōm̧m̧an juon Oktak
Jue ej kōketak Armej ro Rekwojarjar “kom̧win tūriam̧o” (Jue 1:22). Naan ko an rellaaj kōn kajjitōk an Rilo̧mo̧o̧r n̄an keememej ro rej pād ilo kalbuuj. Ewi wāween ad eo̧ron̄ kūr kein? Jen kōm̧m̧an kijejeto n̄an naajdik ilo jetōb ro rej pād ilo kalbuuj, im baam̧le ko aer, kōn em̧m̧an an Anij. Ad tūriam̧o emaron̄ kōm̧m̧an juon oktak.