Jitōn̄ļo̧k Kōj Aolep n̄an Jisōs Kraist

Mour in ej juon teej. Liaona Eo Emaron̄ Jipan̄.

Ilo tōre ko ilo Bok in Mormon, Irooj eaar kepooj Liaona eo n̄an jipan̄ Liai im baam̧le eo an wōnm̧m̧anļo̧k ilo iaļ eo aer. Ekar juon “kambōj, eo eaar jitōn̄ļo̧k n̄an er juon iaļ ejim̧we n̄an āneen kallim̧ur.” (Alma 37:44)

Āinwōt Liai, jej pād ilo juon iaļ. Jenaaj ioon mālijjon̄ ko im apan̄ ko. Dāt im ļan̄ ko. Aenōm̧m̧an im metak. Ak kōn aolepeer, ewōr juon jibadbad ekwojarjar kōnke ewōr ad kōtōpar ekwojarjar. Jemedwōj Ilan̄ ejjab baj kōņaan bwe jen ro̧o̧lļo̧k n̄an Ippān; E ekōņaan bwe jen erom̧ eļapļo̧k āinwōt E kōn Nejin, Jisōs Kraist. Ak jet iien jej aikuj jipan̄.

Ium̧win tōl eo an rikanaan ro remour, Liaona eo māākjiin in ilo raan kein ad kar āje n̄an jipan̄ kōj jeļā iaļ eo im elmen etetal ie. Ekkatak im mour kake gospel eo an Jisōs Kraist ej ukōj kōj. Im n̄e em̧ōj ad dipļo̧ke apan̄ ko ad make ilo mour in, jenaj loe bwe loor E jim̧or ilo aļ im lan̄ ko ekar kōm̧m̧an bwe E en kōm̧m̧an e kij ekkar n̄an ta eo E ear aolep ien jeļā bwe jenaaj erom̧.

Riit n̄an katak eļapļo̧k kōn Liaona eo ekāāl.

Juon Māākijiin n̄an Aolep Bōro im Mōko

Men̄e kwoj jān Slovenia ak Spain, Madagascar ak Massachusetts, māākijiin in ej n̄an kwe. Men̄e kwoj kōnono Korean ak Kiribati, men̄e m̧weeo im̧ōm̧ ej pirōk ak bāāmbu; men̄e kwaar peptaij 80 iiō emootļo̧k ine ak ine wōt. Mare, ak jaab rūtto ak dik—peij kein rej kajju kōnono n̄an kwe. Naan in kam̧ool eo am̧, en̄jake eo am̧, nukin eo an tōmak. En̄in ej kōjeraam̧m̧an eo eļap n̄an bōk juon māākijiin ipeļaakin laļin n̄an rūtto ro. Ej kobaik kōj im kakeememej kōj bwe jej aolep uwaanļo̧k juon baam̧le im juon kabun̄ ipeļaakin laļin.

Kōn menin kobatok ippam ilo ad wōj epaakļo̧k Jisōs Kraist. Juon ennan ilo juon iien, juon peij ilo juon iien. Kōn tōl an rikanaan im rijilōk ro, im kōn iakwe eo an Rilo̧mo̧o̧r n̄an jipan̄ kōj. Kōj aolep. Ippān doon.

Ta n̄an Bōke jān Liaona eo Ekāāl

Ennaan ko jān Rikanaan ro im Rijilōk ro

Liaona eo māākijiin ko naaj kwaļo̧k ennaan ko jān riltōl ro an Kabun̄ in ilo juon wāween ekkar. Ennaan kein, ilo prin im online, naaj jitōn̄ļo̧k kōj aolep n̄an Rilo̧mo̧o̧r eo.

Eļapļo̧k Jipan̄ n̄an Aolep Membōr

Moktalok, jet membōr rekar bōk mākijiin ko ilo juon iiō, pedped ioon kajin ko aer. Kiiō māākijiin kein jiilu peļaakin laļin naaj prin kajjojo allōn̄ ak aolep allōn̄ ilo 97 kajin ko n̄an membōr ro.

Kobban Digital

N̄an jipan̄ eo bōk kobban māākjiin eo me eim̧we kwoj kōņaan, jenaaj leļo̧k eļapļo̧k kōn wāween ko kwoj kōņaan. Kappukot en̄jake ko rem̧m̧anļo̧k im an juon make ilo liahona.ChurchofJesusChrist.org, ilo Gospel Living im Gospel Library app ko, kōn email ko rekāāl jān māākijiin ko, im waween ko jet rekāāl rej itok wōt.

Pedped ilo M̧weo, Rie Jān Kabun̄ Ekkatak Gospel eo

Kajjojo allōn̄ jenaaj kwaļo̧k en̄jake ko, m̧akūtkūt ko, im katak ko n̄an jipan̄ Armej ro Rekwojarjar ilo RaanKo Āliktata ekkatak gospel eo ilo m̧weeo im katakin ajri ro nejier im ro rejitenbōro.

Bwebwenato ko Rem̧ool jān Mool in Membōr ro

Ilo am̧ riiti bwebwenato ko reim̧we jān membōr ro ipeļaakin laļin, tōmak eo am̧ make enaaj kajoorļo̧k. Im kwonaaj keememej bwe jej uwaan ļo̧k men ko reļļapļo̧k jen ward im branch eo. Kwaļo̧k en̄jake eo am ilo liahona.ChurchofJesusChrist.org ak email e tok kōm ilo liahona@ChurchofJesusChrist.org

Bwebwenato ko im Ennaan ko Repaakke Mweo

Liaona eo prin elōn̄ļo̧k jen 60 kajin ko me ekoba peij ko kobaiktok jen jikin ko im kajin ko. Peij kein an jikin eo kwoj pād ie enaaj jipan̄ kobaik eok ippān Armej ro Rekwojarjar, ritōl ro, im māākjiin ko repaake m̧weo im̧ōm̧.