Eja, Më Ndiq: Doktrina e Besëlidhje

Si na bekon ungjilli i rivendosur?

(28 Dhjetor – 3 Janar)

Te Doktrina e Besëlidhje 1, Zoti shpalli: “Këto urdhërime janë nga unë dhe iu dhanë shërbëtorëve të mi” (Doktrina e Besëlidhje 1:24). Ai shpjegon mënyrën se si kjo mbledhje e zbulesave, urdhërimeve dhe e mësimeve do t’i bekonte Kishën dhe anëtarët e saj të hershëm. Fjalët e Tij ende gjejnë zbatim sot.

Bekimet për Anëtarët

Ata që kërkojnë urtësi, mund të udhëzohen (shih vargun 26).
Ata që mëkatojnë, “mund të ndëshkohen që ata të mund të pendohen” (vargu 27).
I përuluri do të bëhet i fortë, do të bekohet nga lart dhe do të marrë dituri (shih vargun 28).

Bekimet për Kishën

Besimi të rritet në tokë (shih vargun 21).
Besëlidhja e përjetshme e Zotit do të themelohet (shih vargun 22).
Plotësia e ungjillit do të shpallet nga të dobëtit dhe të thjeshtët (shih vargun 23).
Fuqi për të ngritur themelin e Kishës dhe për ta nxjerrë atë nga terri dhe errësira (shih vargun 30).

Ilustrimet nga Augusto Zambonato