Bag-ong mga Area Seventy Gipaluyohan

Duha ka bag-ong mga Area Seventy tagsa-tagsang gipaluyohan atol sa miting sa pagbansay sa pagpangulo nga gihimo isip kabahin sa kinatibuk-ang komprensiya. Dayon ang tanan nga mga Area Seventy gipaluyohan isip usa ka grupo atol sa Sabado sa hapon nga sesyon sa kinatibuk-ang komperensiya.

Si Elder Charden Ndinga, 41, sa Pointe-Noire, Republic of the Congo, moserbisyo sa Ikatulong Korum sa Seventy (Africa Central, South, ug West Areas). Si Elder Pedro E. Hernández, 51, sa Punto Fijo, Venezuela, moserbisyo sa Ikasiyam nga Korum sa Seventy (South America Northwest ug South Areas).

Daghan pang mga pag-release sa Area Seventy gipahibalo niadtong Hulyo. Ang mga Area Seventy mao ang “linain nga mga saksi” ni Jesukristo sa hiyograpikanhon nga mga dapit diin sila nagpuyo (tan-awa sa Doktrina ug mga Pakigsaad 27:12). Sila moserbisyo ubos sa direksyon sa Kapangulohan sa Seventy.

Ang miting sa pagpangulo gitambongan sa personal o sa virtual sa mga 300 nga mga Kinatibuk-ang mga Awtoridad, Kinatibuk-ang mga Opisyal, ug mga Area Seventy.