Nakomai, Iriirai
Antai Enoka?
Te riki n te utu aei e kaoti rikiia mwaane aika uoman Enoka n rikin Atam ao Ewa. Natin Kain te mwaane Enoka, tibun Atam te mwaane (taraa Mote 5), e kaokoro mairoun natin Iareta te mwaane Enoka, are bon te kaonoua n atu mairoun Atam ao ni katea te kaawa ae Tion (taraa Mote 6–7).
E kanga te burabeti Enoka ni kaeka nakon ana wewete?
Ngke e weteaki Enoka bwa e na kabwarabwara te rairannano, e namakina te aki tau, ni kabwarabwara nakon te Uea ae e “iaki kona n taetae raoi” (Mote 6:31). Ma te Atua e angan Enoka te mwaaka ao te berita, “Kauka wiim, ao e na kanoaaki, ao N na anganiko te konabwai n taetae,” (Mote 6:32). A mwaiti aika roko ni kakoaua ana taeka, ao Enoka e katea te kaawa ae Tion.
Okiran ana katooto Enoka, Unimwaane David A. Bednar e kakoaua nakoia naake a rawawata, a kaokoroaki, ke n aki tau ibukin te wewete ke te tabe ae boou bwa ana berita te Uea nakon Enoka bon titebo … n te bong aei” (“In the Strength of the Lord,” maungatabu ni kabuta, Okitobwa 2004).