Ujumbe wa kila Mwezi wa Kwa Ajili ya Nguvu kwa Vijana, Juni 2022

Chagua

Yoshua aliwahimiza watu wake wafanye uamuzi sahihi—wa kumfuata Bwana.

Yoshua 24:15.

15 Kama hamtaki kumtumikia Bwana, chagueni leo hii nani mtakayemtumikia; kwamba ni miungu ile ambayo baba zenu waliitumikia ng’ambo ya Mto, au kwamba ni miungu ya wale Waamori ambao mnakaa katika nchi yao; lakini mimi na nyumba yangu, tutamtumikia Bwana.

chagua

Uwezo wetu wa kuchagua na kujitendea unaitwa uhuru wa kuchagua. Ni sehemu muhimu ya mpango wa Baba wa Mbinguni. Kusudi moja la maisha haya ni kuonyesha kwamba tutachagua kutii amri za Mungu ili tuwe zaidi kama Yeye. Tutahukumiwa kulingana na chaguzi zetu. (Ona 2 Nefi 2:27; Mafundisho na Maagano 101:78; Abrahamu 3:25.)

leo hii

Yoshua aliwahimiza watu wake wachague “leo hii,” au sasa hivi. Tunaweza kufanya maamuzi muhimu mara moja na kisha kujaribu kuyatimiza. (Ona Zaburi 37:5.)

hudumu

Katika mstari huu, kutumikia kunamaanisha kuabudu, kusaidia, kutii na kujitoa kwa ajili ya mtu fulani. Tunapaswa kumtumikia Bwana (ona Musa 1:15).

miungu

Israeli ilikuwa imeamriwa kumtumikia Mungu wa kweli na aliye hai, Yesu Kristo (ona Kutoka 20:2–5). Yoshua alitoa mifano ya miungu mingine ambayo watu wake hawapaswi kuabudu. Miungu mingine katika maisha yetu inaweza kuwa ni pamoja na mali, maoni ya wengine, vivutio vingine—chochote kinachotutoa kwa Bwana.

mimi na nyumba yangu

Yoshua aliongea kujihusu mwenyewe na nyumba yake. Alisema watamtumikia Bwana. Alitaka kuongoza familia yake kwa uadilifu na kuwafunza kumfuata Bwana (ona Mafundisho na Maagano 93:40).

© 2022 na Intellectual Reserve, Inc. Haki zote zimehifadhiwa. Limepigwa chapa Marekani. Idhini ya Kiingereza: 6/19. Idhini ya kutafsiri: 6/19. Tafsiri ya Monthly For the Strength of Youth Message, June 2022. Swahili. 18315 743