“రూతు మరియు నయోమి,” నెలవారీ ఫ్రెండ్ సందేశాలు, 2022 జూన్
“రూతు మరియు నయోమి”
నెలవారీ ఫ్రెండ్ సందేశాలు, 2022 జూన్
రూతు మరియు నయోమి
ఏప్రిల్ స్టాట్ చేత వివరణలు
కరువు కారణంగా నయోమి మరియు ఆమె కుటుంబం క్రొత్త దేశానికి వచ్చారు. వారు రూతు అను పేరుగల ఒక యువతిని కలిసారు. రూతు నయోమి కుమారుడ్ని వివాహము చేసుకొంది.
తరువాత రూతు భర్త చనిపోయాడు. రూతు చాలా విచారించింది.
నయోమి కూడా చాలా విచారించింది. ఆమెను చూసుకోవడానికి ఆమెకు కుటుంబం లేదు. ఆమె తన దేశానికి తిరిగి వెళ్ళాలని నిర్ణయించుకుంది.
తన కుటుంబానికి తిరిగి వెళ్ళమని నయోమి రూతుతో చెప్పంది. కానీ రూతు నయోమిని ప్రేమించింది. ఆమె నయోమితో వెళ్ళి, ఆమెను చూసుకుంటానని హామీ ఇచ్చింది.
రూతు మరియు నయోమి బీదవారు. కాబట్టి వారికి ఆహారం వెదకడం కోసం రూతు చాలా కష్టపడింది.
ఒకరోజు బోయజు అనే వ్యక్తి రూతు తన పొలంలో మిగిలిపోయిన ధాన్యాన్ని సేకరించడం చూసాడు.
బోయజు దయగలవాడు. రూతు కోసం ఎక్కువ ధాన్యం విడువమని అతడు తన సేవకులకు చెప్పాడు.
తరువాత రూతు మరియు బోయజు వివాహం చేసుకున్నారు. వారికి ఒక మగ బిడ్డ పుట్టాడు. అతడిని చూడటానికి నయోమి సహాయం చేసింది.
నేను ఇతరులకు శ్రద్ధ చూపడానికి సహాయం చేయగలను. నేను అవసరతలో ఉన్న వారికి దయ చూపగలను.
రంగులువేసే పేజీ
నేను ఇతరుల కోసం శ్రద్ధ చూపగలను
డౌన్‌లోడ్ చేయడానికి చిత్రపటముపై క్లిక్ చేయండి.
ఏప్రిల్ స్టాట్ చేత దృష్టాంతం
మీకెవరు సహాయము చేయగలరు?
© 2022 by Intellectual Reserve, Inc. All rights reserved. అ.సం.రాలలో ముద్రించబడినది. ఆంగ్ల ఆమోదము: 6/19. అనువాద ఆమోదము: 6/19. Monthly Friend Message, June 2022 యొక్క అనువాదము. Telugu. 18315 421