?Wanem Nao Aesea I Stap Tijim Abaot Fasin blong Stap Olsem Wan Wokman blong Lod? Liahona, Septemba 2022.
Kam Folem Mi
?Wanem Nao Aesea I Stap Tijim Abaot Fasin blong Stap Olsem Wan Wokman blong Lod?
Plante taem, Lod i talem se olgeta we oli stap biaen long Hem, oli ol wokman blong Hem, o ol witnes blong Hem. Ol toktok ia, oli stap long evri ples long ol skripja, mo insaed tu long Buk blong Aesea. Long taem blong OlTesteman, semmak olsem tedei, Lod i givim ol janis long ol pipol blong oli givim seves long Hem, mo blong oli stap olsem wan witnes blong Hem.
-
Taem yu stap ridim ol japta blong Aesea, ol japta 40–49, lukaotem ol taem we Lod i talem “wokman,” “man blong wok,” o “witnes.” ?Huia nao Hem i stap tokbaot? Lukaotem ol ves we oli stap tijim olsem wanem yu save stap wan witnes mo wan wokman blong Lod, olsem we i stap long Aesea 44:2.
-
Afta, taem yu stap ridim ol japta 41–44, bae yu save tingting se wijwan ves nao i go wetem koling blong yu, o givhan wok blong yu. ?Wanem nao Lod i stap askem yu blong mekem, mo olsem wanem nao bae Hem i helpem yu?
Pikjatrifala woman we i smael -
?Wanem janis nao yu yu bin kasem, blong stap olsem wan wokman o wan witnes blong Lod? Ol eksampol ia, oli, wan koling, wan misin, tijim famli blong yu, o wan nara seves. Maet bae yu wantem raetemdaon ol eksperiens ia insaed long jenol blong yu. ?Wanem nao yu lanem aot long olgeta? ?Olsem wanem nao Lod i bin helpem yu?
Pikjaol misinari oli stap givim seves