?Wanem Nao Yumi Save Mekem blong “Lisin long Ol Waestok ia mo Haremsave Olgeta”? Liahona, Septemba 2022.
Kam Folem Mi
?Wanem Nao Yumi Save Mekem blong “Lisin long Ol Waestok ia mo Haremsave Olgeta”?
Wetem plante rong infomesen long wol ia, bae i had blong gotru long evri samting mo faenem trutok ia we i no save finis. Papa long Heven i save hemia, mo Hem i save se i gat plante long ol pikinini blong Hem we oli stap lukaotem ol ansa. Tangkyu tumas, plante long ol ansa long ol strong kwestin blong laef, bae yumi save faenem insaed long ol skripja, long ol toktok blong jeneral konfrens, o tru long revelesen we i blong yuwan. Papa long Heven bae i neva lidim yumi i go rong.
Aktiviti
Long Ol Proveb, plante taem, yumi ridim abaot waes tingting, o waestok. Wanwan o olsem wan grup, ridim ol japta 2 mo 3 mo faenemaot ol ves we oli toktok raon long wei blong lukaotem waes tingting o waestok. Eksampol: Ol Proveb 1:5 i stap talem se: “Ol tok ya i save mekem ol waes man oli gat save moa, mo i save lidim ol man we oli skul gud.”