“Te U Langa Fēfē ʻi ha Fakavaʻe Paú?,” Liahona, Fēpueli 2023.
Haʻu, ʻo Muimui ʻIate Au
Te U Langa Fēfē ʻi ha Fakavaʻe Paú?
Tā valivali ʻa Justin Kunz
ʻOku akoʻi kitautolu ʻe he talanoa fakatātā ʻo e tangata potó mo e tangata valé ki he mahuʻinga ʻo e langa ʻi ha fakavaʻe mālohí ʻo ʻikai ngata pē ʻi he fanongo ki he ngaahi folofola ʻa e ʻEikí ka ke toe fakahoko foki ia (vakai, Mātiu 7:24–27). ʻOku akoʻi mai ʻe he Hilamani 5:12 ʻoku totonu ke langa hotau fakavaʻe fakalaumālié ʻi he “maka ʻo hotau Huhuʻí, ʻa ia ko Kalaisi, ko e ʻAlo ʻo e ʻOtuá.” ʻOku ʻikai ke hoko faingofua pē ʻa e langa ʻi ha fakavaʻe mālohí. Ko e hā naʻe fai ʻe he tangata potó ke taʻeueʻia ai hono falé? (vakai, Luke 6:48).
Fakakaukau ke toe vakaiʻi ha niʻihi ʻo e ngaahi akonaki ʻa e Fakamoʻuí mei he Malanga ʻi he Moʻungá ʻoku hiki atu ʻi laló. ʻOku ʻi ai nai ha akonaki pau ʻokú ke ongoʻi ʻoku ueʻi koe ke ke fakahoko lahi ange ʻi hoʻo moʻuí? ʻE fakamālohia fēfē ʻe he akonaki ko iá ho vā fetuʻutaki mo e Tamai Hēvaní mo Sīsū Kalaisí? Te ke lava ʻo faʻu ha palani ke fakaʻaongaʻi ʻa e akonaki ko iá ʻi hoʻo moʻuí mo fakakaukau ki hoʻo fakalakalaká ʻi he ʻalu ʻa e taimí.
Loto-fakatōkilalo: Mātiu 6:1–8, 16–18
Lotu: Mātiu 6:5–13
Fakamolemole: Mātiu 6:14–15
Ngaahi meʻa ke fakamuʻomuʻá: Mātiu 6:19–24, 33; 7:6, 21–23
Falala ki he ʻOtuá: Mātiu 6:25–34; 7:9–11
Fakamaau angatonu: Mātiu 7:1–5, 15–20
Kole ʻi he tui: Mātiu 7:7–8
Angaʻofa: Mātiu 7:12
Talangofua: Mātiu 7:21–27