Maeneo kutoka katika Maandiko

Gethsemane

Jifunze zaidi kuhusu mahali ambapo mateso ya Mwokozi kwa niaba yetu yalianza.

Kiko wapi?

Kwenye miteremko ya Mlima wa Mizeituni, mashariki mwa Yerusalemu (kulia katika kielelezo, imewekewa alama ya miti mirefu kuliko kawaida).

Kielelezo cha ramani ya Yerusalemu na Jim Madsen

Nini Kilikuwa Hapo?

Kijisitu cha miti ya mizeituni na pengine kinu cha kukamulia mafuta kutokana na mizeituni

Je, Ni nini Kilitokea Hapa?

Baada ya Karamu ya Mwisho, Yesu Kristo pamoja na Mitume Wake kumi na mmoja walikwenda Gethsemane. Kisha alienda kando kusali na akawachukua Petro, Yakobo, na Yohana pamoja naye.

“Akaanza kufadhaika sana, na kuhangaika.” Akasema, “Roho yangu ina huzuni nyingi kiasi cha kufa” (Marko 14:33–34).

“Akisema, Ee Baba, ikiwa ni mapenzi yako, uniondolee kikombe hiki: walakini si mapenzi yangu, bali yako yatendeke.

“Malaika kutoka mbinguni akamtokea, akamtia nguvu.

“Naye kwa vile alivyokuwa katika dhiki akazidi sana kuomba: hari yake ikawa kama matone ya damu yakidondoka nchini” (Luka 22:42–44).

Baada ya mateso haya makali ya Mwokozi, alisalitiwa na Yuda na kukamatwa na maafisa wa Kiyahudi na kikosi cha askari wa Kirumi.

Je, Ulifahamu?

Bustani hii kwenye Mlima wa Mizeituni ilikuwa mahali ambapo Yesu alikwenda mara kwa mara (ona Luka 22:39; Yohana 18:2).

“Katika Kiaramaiki, neno gethsemane linamaanisha ‘kinu cha kukamulia mizetuni.’”¹

Wakati zeituni zinapokamuliwa katika kinu cha kukamulia, mafuta ambayo yanatiririka ni mekundu, kama damu.

Katika wakati wa Mwokozi, kuzalisha mafuta ya zeituni ulikuwa ni mchakato wa kuongeza mkandamizo kwenye kila hatua ili kukamua mafuta mengi kadiri inavyowezekana.

1. Kamua zeituni chini ya jiwe kubwa.

2. Weka zeituni zilizokamuliwa ndani ya kapu la kufuma, panga vikapu hivyo kimoja juu ya kingine.

3. Weka nguzo kubwa au gogo juu ya vikapu hivyo vilivyopangwa.

4. Weka mawe mwisho mmoja wa nguzo hiyo.²

Mafuta ya mzeituni zamani yalitumika kwa ajili ya kuwasha taa, mafuta ya kupikia, chakula, sabuni, sherehe za kidini, na mpako kwa ajili ya kutibu majeraha.

Miaka mingi kabla ya kuja kwa Kristo, malaika alimwambia Mfalme Benjamini kuhusu kuteseka kwa Kristo huko Gethsemane, akisema, “Damu itatoka katika kila kinyweleo, mateso yake yatakuwa makuu sana” (Mosia 3:7).

Mateso ya Mwokozi kwa niaba yetu yanajumuisha mateso yake Gethsemane na juu ya msalaba, ambapo alifia. Alijichukulia juu Yake yeye mwenyewe dhambi zetu zote, maumivu yetu, mateso, majaribu, magonjwa, na udhaifu wetu wote (ona Alma 7:11–12).

Gethsemane, na Michael Malm

Kumbuka Gethsemane

“Kumbuka, kama vile mwili wa mzeituni, ambavyo ulikamuliwa kwa ajili ya mafuta ambayo yalitoa mwanga, ndivyo Mwokozi alivyokamuliwa. Kutoka kila kinyweleo ilitoka damu ya uhai ya Mkombozi wetu. … Kikombe chako cha furaha kinapofurika, kumbuka kikombe Chake cha uchungu ndicho kilichofanya haya yawezekane. Na wakati majaribu makali yanapokuja juu yako, kumbuka Gethsemane.”

Rais Russell M. Nelson, “Kwa Nini Nchi Hii Takatifu?” Ensign,, Dis. 1989, 18.

© 2023 na Intellectual Reserve, Inc. Haki zote zimehifadhiwa. Limepigwa chapa Marekani. Idhini ya Kingereza: 6/19. Idhini ya kutafsiri: 6/19. Tafsiri ya Monthly For the Strength of Youth Message, Juni 2023. Language. 19026 743

Muhtasari

1. Mwongozo wa Maandiko, “Gethsemane.”

2. Ona D. Todd Christofferson, mkutano mkuu wa Okt 2016 (Ensign au Liahona, Nov 2016, 50).