Itakuwa Shangwe Kubwa Namna Gani Kwako
Dondoo
Leo ninazungumza na wazee wengi wenye uzoefu katika Kanisa ambao wanaweza kutumikia kama wamisionari. Bwana anawahitaji ninyi. …
Nilivyotembelea misheni kote ulimwenguni, nimeona huduma ya kustaajabisha ya kikosi chetu cha wamisionari wazee. Ni wazi wanafurahia kufanya “mapenzi ya Bwana” na kuwa katika “kazi ya Bwana” [Mafundisho na Maagano 64:29]. …
Nimewaita wanandoa wengi kutumikia na kutazama jinsi Nuru ya Kristo inavyojaza nyuso zao. Wakati wa kurejea kwao, wameelezea kuwa karibu na Bwana na karibu zaidi na mmoja na mwingine, wakimhisi Roho wa Bwana akishuka juu yao, na kujua kwamba wanaleta tofauti. Nani hatataka hilo?. …
Kama Mtume wa Bwana Yesu Kristo, ninakuomba utumikie kama mmisionari katika kuikusanya Israeli na pengine utumikie tena. …
Pia ninaahidi kwamba mnapotumikia, mtahisi upendo wa Bwana maishani mwenu, mtamjua Yeye, Naye atawajua ninyi, na “jinsi gani shangwe yenu itakuwa kuu.” [Mafundisho na Maagano 18:15]. Huduma yenu ya kujitolea kwa Yesu Kristo itatia moyo na kubariki familia yako, wajukuu zako na vitukuu. “Amani na upendo vitaongezeka” [Yuda 1:2] katika maisha yao kwa miaka mingi ijayo.