मासिक युवाहरूको शक्तिका लागि सन्देश, अगष्ट २०२४
एक शक्तिशाली सम्बन्ध
करार सम्झौता भन्दा बढी हुन्छ; यो एक सम्बन्ध हो ।
मसँग अझै पनि एल्डर पिस्टोन र एल्डर मोरास्को बसेका हरिया कुर्सीहरूको तस्वीर छ जब उहाँहरूले मेरो परिवारलाई अर्जेन्टिनामा हाम्रो घरमा सिकाउनुभयो । उहाँहरूले यति धेरै आध्यात्मिक शक्तिले सिकाउनुभयो कि मेरी दश वर्षीया दिदी र म (नौँ वर्ष) उहाँहरू जानुभए पछि त्यो शक्ति हामीमा आउने भनेर आशा गर्दै ती कुर्सीहरू छुन दौडन्थ्यौँ छ ।
मैले छिट्टै जानकारी प्राप्त गरेँ कि त्यो शक्ति कुर्सीहरूबाट आउँदैन तर परमेश्वर र येशू ख्रीष्टसँगको करारको सम्बन्धबाट आउँछ ।
मेरो बप्तिस्माको अनुभव
मैले मेरो पहिलो करार नोभेम्बर १३, १९७७मा गरेँ । मलाई मेरो बप्तिस्माका सम्बन्धमा धेरै स्मरण छैन तर मलाई एल्डर पिस्टोनले मलाई पानीमा जान सहयोग गर्नुभएको र मेरो कपाल भिजेको समयमा एल्डर मोरास्कोले मलाई प्रमाणीकरण दिनुभएको स्मरण छ । नयाँ वार्डका साथीहरूले अर्जेन्टिनाको तरीकामा अँगालो हालेर चुम्बन दिनुहुँदा खुशी महसुस गरेको र स्वर्गका पिताको आस्थावान छोरी बन्ने दरिलो चाहना मैले गरेको म सम्झन्छु ।
सानो उमेरको दिदी स्पानवस (मध्य) आफ्ना मातापिता (बायाँ), उहाँकी दिदी सिल्भिना (टाढा दायाँ) र एल्डर मोरास्कोसँग ।
मैले महसुस गरेको प्रसन्नता पवित्र आत्माको उपहारबाट आएको हो भनेर पछि मैले बुझेँ । मैले सिकेँ कि जब म आस्थावान् भई परमेश्वरसँग मेरा करारहरू पालना गर्छु, आत्मा मसँग हुनुहुने छ । पवित्र आत्मा त्यो एक शक्तिशाली आशीष हो जुन परमेश्वर र येशू ख्रीष्टसँगको करारको सम्बन्धबाट आउँछ ।
अब, मेरो मनसाय, विचार र कार्यहरू असफल हुँदा पनि, म प्रयास गरिरहने आशा राख्छु । किन? किनभने प्रभुभोजमा भाग लिनाले मलाई प्रत्येक हप्ता मेरा करारहरू नवीकरण गर्न र नयाँ करारहरू गर्न सम्भव बनाउँछ । म त्यो आशीर्वादका लागि धेरै आभारी छु ।
एक न्यानो, करारको सम्बन्ध
हामी प्रायः सुन्छौँ कि करारहरू हामी र परमेश्वरका बीचमा दुईतर्फी प्रतिज्ञाहरू हुन् । जबकि यो सत्य हो, यो मात्रै सबै होइन । वास्तवमा, “प्रतिज्ञा पालना एक चिसो व्यापार सम्झौता होइन तर न्यानो सम्बन्ध हो ।”
त्यसोभए तपाईंहरू कसरी स्वर्गका पिता र मुक्तिदातासँग करार सम्बन्धको सिर्जना गर्नुहुन्छ? उहाँहरूले तपाईंहरूलाई पहिले नै पूर्ण रूपमा प्रेम गर्नुहुन्छ र तपाईंहरूलाई आशीष दिन चाहनुहुन्छ (हेर्नुहोस् ३ नफी १४:११)। परन्तु दुईतर्फी कुनै पनि सम्बन्धले समय लिन्छ र दुबै पक्षबाट प्रेमको अपेक्षा गर्छ ।
के तपाईंहरू उहाँहरूसँग धेरै समय बिताउन चाहनुहुन्छ? जब तपाईंहरू उहाँहरूले गर्नुहुने कार्यहरू गर्नुहुन्छ, तपाईंहरू उहाँहरूसँगै हिँड्दै हुनुहुन्छ! यो कठीन परिस्थितिमा भएको साथीका समस्यालाई सुन्नु, भाइबहिनीसँग खेल्नका लागि समय निकाल्नु वा एक्लै महसुस गर्ने कसैलाई समावेश गर्नु जस्तै सरल हुन सक्छ । भर्खरै, मैले मेरो स्वर रेकर्ड गरेर अर्जेन्टिनामा एक्लो महसुस गरिरहेकी एउटी साथीलाई सन्देश पठाएँ र परमेश्वरसँग हिँड्दै समय बिताएँ । मैले मेरो मन्दिरको अनुमति पत्रलाई सदैव वैध राख्ने निर्णय गरेको छु ताकि मैले उहाँको पवित्र गृहमा परमप्रभुसँग समय बिताउन सक्छु । तपाईंहरू विचारहरूका लागि प्रार्थना गर्न सक्नुहुन्छ जसले तपाईंहरूलाई स्वर्गका पिता र तपाईंहरूका मुक्तिदातासँग समय बिताउन सहयोग गर्छ ।
के तपाईं महत्व दिनुहुन्छ भनेर उहाँहरूलाई कि तपाईं यो चाहनुहुन्छ देखाउन चाहनुहुन्छ? तपाईंले करार गर्नुभएका आज्ञाहरूलाई नियमहरूको सूचीका रूपमा नभइ आफ्नो प्रेम व्यक्त गर्ने तरिकाका रूपमा व्यक्त गर्नुहोस् । उदाहरणका लागि, ज्ञानका वचन पालना गर्नका लागि, मैले स्वस्थ खाना कसरी बनाउने भनेर सिकेँ । अहिले म मेरा छोरीहरूलाई पनि त्यही गर्न सिकाउँदै छु । जब तपाईं स्वेच्छाले परमेश्वरका आज्ञाहरू पालना गर्नुहुन्छ, उहाँ र मुक्तिदाताप्रतिको तपाईंको प्रेममा वृद्धि हुने छ ।
स्वर्गका पिता र येशू ख्रीष्टसँगको हाम्रो करारको सम्बन्धले हामीलाई—हरिया कुर्सीहरूको जोडीले प्रस्ताव गर्ने कुनै पनि विषय भन्दा असीम रूपमा उहाँहरूलाई अझै राम्रोसँग चिन्न र हाम्रो जीवनमा उहाँहरूको शक्तिमा थप पहुँच राख्न सहयोग गर्ने छ। अनि त्यो शक्तिले हामीलाई सदैव परिवर्तन गर्छ!
© 2024 Intellectual Reserve, Inc. द्वारा सर्वाधिकार सुरक्षित । संयुक्त राज्य अमेरिकामा मुद्रित । अङ्ग्रेजी अनुमोदन: ६/१९ । अनुवाद अनुमोदन: ६/१९ । Monthly For the Strength of Youth Message, August 2024 को अनुवाद । Nepali. 19342 372